హీరోయిన్ కెరీర్ కు పెళ్లి అడ్డు కాదు -కాజల్ అగర్వాల్

రెండు దశాబ్దాల కెరీర్లో స్టార్ హీరోలకు జంటగా ఎన్నో సక్సెస్ఫుల్ సినిమాలు చేసింది స్టార్ హీరోయిన్ కాజల్ అగర్వాల్.

- - రమేష్ గోపిశెట్టి •

రెండు దశాబ్దాల కెరీర్లో స్టార్ హీరోలకు జంటగా ఎన్నో సక్సెస్ఫుల్ సినిమాలు చేసింది స్టార్ హీరోయిన్ కాజల్ అగర్వాల్. సౌత్ ఇండస్ట్రీతోపాటు హిందీ లోనూ నటించి పేరు తెచ్చుకుంది. 60 సినిమాల్లో వైవిధ్యమైన క్యారెక్టర్స్లో నటించి 'క్వీన్ ఆఫ్ మాసెస్'గా ప్రేక్షకుల అభిమానం పొందిన కాజల్ ప్రస్తుతం సెకండ్ ఇన్నింగ్స్ లాంటి కెరీర్ను మొదలు పెట్టింది. పవర్ ఫుల్ పోలీస్ ఆఫీసర్ క్యారెక్టర్ 'సత్యభామ'గా ఇటీవలే ప్రేక్షకుల ముందు కొచ్చింది. |గృహశోభ స్పెషల్ ఇంటర్వూ మనలో తన కెరీర్ విశేషాలు తెలిపింది కాజల్ అగర్వాల్.

మీ ఇటీవలి సినిమా "సత్యభామ" కు రెస్పాన్స్ వచ్చింది?

“సత్యభామ” సినిమాకు ప్రేక్షకుల నుంచి వస్తున్న రెస్పాన్స్ సంతోషాన్ని ఇస్తోంది. ఈ మూవీ నా పర్సనల్ లైఫ్లోనూ రిలేట్ చేసుకోవచ్చు. ఈ చిత్రంలో నా క్యారెక్టర్ లా నిజ జీవితంలో నేనూ సమాజంలో ఏదైనా జరిగితే స్పందిస్తుంటా. బయటకు వచ్చి ర్యాలీలు చేయ కున్నా... ఆ ఘటన గురించి ఆలోచనలు నాకు వస్తూనే ఉంటాయి. డిస్ట్రబ్ చేస్తుంటాయి. అందరి లాగే సొసైటీలో జరిగే వాటి గురించి నాకూ కొన్ని వ్యక్తిగతమైన అభిప్రాయాలు ఉంటాయి. నేను ఇప్పటివరకు ఎన్నో క్యారెక్టర్స్ చేసాను గానీ సత్యభామ సినిమాలాంటి ఎమోషనల్ మూవీ చేయడం ఇదే తొలిసారి. ఇందులో యాక్షన్ పార్ట్ కూడా చేసాను. ఈ చిత్రంలో నటిస్తుంటే ఇప్పటిదాకా ఫీల్ కాని కొన్ని ఎమోషన్స్ అనుభూతి చెందాను. అవన్నీ మీకూ రియలిస్టిక్ గా అనిపిస్తాయి.