இரசாயன காக்டெயல இளமையை தருமா?

சிசு,மழலை, குழந்தை, இளமை,நடுப்பிராயம், முதுமை என மனிதர்கள் பல கட்டங்களை கடக்கின்றனர். இதில், இளமை என்னும் ஒரு பருவமே நிலைத்து நிற்க வேண்டும் என எல்லோரும் நினைக்கின்றனர்.

எனவே, விஞ்ஞானிகளும் மருத்துவர்களும் காலந்தோறும் இளமைக்கு திரும்பும் மருந்தையும் மார்க்கத்தையும் கண்டடைய வெகுவாக மெனக்கெடு கின்றனர்.

மிகச்சமீபத்தில் ஹார்வர்ட் பல்கலைக்கழக ஆராய்ச்சியாளர்கள் குழு, வயதானதை மாற்றக்கூடிய ஒரு இரசாயன காக்டெய்லைக் கண்டுபிடித்ததாகக் கூறியுள்ளது, அதாவது, மனிதன் மற்றும் எலிகளின் தோல் செல்களில் வயதான செயல்முறையை பல ஆண்டு களாக மாற்றியமைக்கும் திறன் கொண்ட ஆறு இரசாயன கலவைகளை ஆராய்ச்சி குழு கண்டறிந்துள்ளது.

இதற்கு முன்பு கரு மரபணுக்களை இயக்க, மரபணு சிகிச்சையைப் பயன்படுத்தி வயதைத் திரும்பப் பெறுவது சாத்தியம் என்பதை அவர்கள் ஓரளவு உறுதிப்படுத்திக் காட்டியிருந்தனர். இப்போது 'இரசாயன காக்டெய்ல்' மூலம் சாத்தியமாவதாக கூறுகின்றனர்.