நான பார்ட்டி பொண்ண இல்லை! -அனு இம்மானுவேல்

தமிழில் நம்ம வீட்டு பிள்ளை, துப்பறிவாளன் என ஒரு சில படங்களில் தலைகாட்டிய நடிகை அனு இம்மானுவேல், தெலுங்கு பட உலகில் பிரபல நாயகியாக வலம் வருகிறார்.

- தவா

கடைசியாக தெலுங்கில் 'ராவணசூரா' படத்தில் நடித்தவர், அடுத்து தமிழில் கார்த்தியுடன் ''ஜப்பான்' படத்தில் நடித்துள்ளார். அவருடன் அழகான சிட்சாட்.

நடிகை ஆகணும்ங்கிறது உங்களோட கனவா?

நான் பிறந்து வளர்ந்தது எல்லாமே அமெரிக்காவில் தான். என் குடும்பத்துக்கும், சினிமா துறைக்கும் எந்த விதமான தொடர்பும் கிடையாது. வாழ்க்கையில் நடக்குற எதையும் நாம் முன்கூட்டியே கணிக்க முடியாது. அப்படித்தான் எதிர்பாராத விதமா நான் சினிமாவுக்கு வந்தேன். தெலுங்கில் மஞ்சு படத்தின் மூலமா எனக்கு நல்ல விதமா அறிமுகம் கிடைச்சது. அந்த படமும் நல்லா ஓடுச்சு.

புதுமுகமா வந்தப்போ சினிமாவில் எதிர்கொண்ட சவால்கள் பற்றி?

எனக்கு இங்கே பேசுற மொழி எதுவுமே தெரியாது. நடிப்பும் எனக்குத் தெரியாது. தனியா அதுக்காக கிளாஸ் எதுவும் போகல. சினிமாத்துறையில் சரியான ஒரு வழிகாட்டி இல்லாதது எனக்கு மைனஸ்லனு நினைக்குறேன். ஆரம்பத்தில் கேமரா முன்னாடி எப்படி நிற்கணும்னு புரிதல் இல்லாமல் இருந்தேன். வாழ்க்கையில் நான் எதிர்கொண்ட அத்தனை விஷயங்களும், நானே முட்டி மோதி கத்துக்கிட்டது தான்.

ஒரே நேரத்தில் பல மொழிகளில் நடிக்குறீங்களே எப்படி?

தெலுங்கு, தமிழ், மலையாளம்னு பல மொழிகளில் வொர்க் பண்ணியிருக்கேன். 6 வருடங்களில் சுமார் 13 படங்களில் ஹீரோயினா நடிச்சிருக்கேன். திறமை இல்லன்னா கண்டிப்பா இதை என்னால சாதிச்சிருக்க முடியாது. இப்போ எனக்கு சினிமாவைப் பற்றி ஓரளவு புரிதல் இருக்கு.