கனவை தேடி பிடிச்சிட்டேன்!

தமிழ், தெலுங்கு, மலையாளம், இந்தி, மராத்தி என பல மொழிகளில் பிஸியாக நடித்துக் கொண் டிருக்கும் அதிதி ராவ் ஹைதரி ராஜ பரம்பரையை சேர்ந்தவர். இவருக்கு நடனம் கைவந்த கலை. அவருடன் ஒரு அழகிய உரையாடல்.

பாரம்பரியமான குடும்பத்தில் பிறந்து நடிப்புத்துறைக்கு வந்தது பற்றி?

சில குழந்தைகள் பிறக்கும் போதே டிராமா குயினா இருப்பாங்க. நான் வளரும் போது சினிமா கூட பார்த்தது கிடையாது. ஆனா என் வீட்டில், கிளாசிக்கல் மியூசிக், டான்ஸ், டிராமா'ன்னு நிறைய நடக்கும். அதானாலேயே என்னவோ, சின்ன வயசில் இருந்தே ஹீரோயின் ஆகணும்'ங்கிற எண்ணம் எனக்குள்ள இருந்ததுண்டு. ஆனா அதைப் பத்தி யார்கிட்டயும் சொல்லல. யாரும் என்னை தடுக்கப் போறதில்ல, இருந்தாலும், என் ஆசையை சொல்ல வேண்டாம்’ன்னு நினைச்சேன். ஆனா எப்படியோ கடலுக்கு அப்பால் இருந்த என் கனவைத் தேடிப் பிடிச்சிட்டேன்.

சினிவாவில் உங்க கெரியர் அமைஞ்சது பற்றி?

சரியான நேரத்தில் சரியான இடத்தில் இருந்தா சரியானது நடக்கும். இது எல்லாரும் சொல்ற விஷயம் போலவே இருக்கும், ஆனா இது தான் உண்மை. சினிமா துறையை விட்டு ஒதுங்கி இருந்தாலும் நான் நடிக்க வந்தது அப்படித்தான்.