சுகர் பிரச்சினை...தீர்வு தரும் அரிசி!

மனிதர்களுக்கு ஒவ்வாத வகையில் தொல்லை தரும் பிரச்சினை என்றால் அது சர்க்கரை நோய் எனலாம். இந்த பிரச்சினைக்கு தீர்வாக நிறைய மருந்துகள் இருந்தாலும் உணவுக் கட்டுப்பாடு அவசியமாகிறது.

- எஸ்.ரவீந்திரன்

கிளைசெமிக் உணவுகள் இரத்தத்தில் சர்க்கரை கலக்கும் விகிதத்தை குறைவாக கொண்டிருக்கும் உணவுகள் ஆகும். அவை, ஆரோக்கியத்திற்கு நன்மை பயக்கும். ஆனால், அதை சீரான அளவில் மட்டுமே உட்கொள்வது அவசியம்.

வெள்ளை அரிசிக்கு பதிலாக பழுப்பு அரிசியை (சிவப்பு அரிசி) உட்கொள்வது நீரிழிவு பிரச்சினையில் உள்ளவர்களுக்கு பாதுகாப்பானதாகவும் பயனுள்ளதாகவும் கருதப்படுகிறது.

ஸ்ட்ராபெர்ரி, ஸ்டார் நெல்லிக்காய், ப்ளூபெர்ரி மற்றும் ராஸ்பெர்ரி போன்ற குறைந்த கிளைசெமிக் குறியீட்டு உள்ளது, இது நீரிழிவு நோயாளிகளுக்கு சிறந்த தேர்வாக அமைகிறது.

ஆனாலும் அரிசி உணவு சாப்பிடுவதை வழக்கமாக கொண்ட தென்னிந்திய மக்கள் தங்கள் உணவு பழக்கத்தினை அவ்வளவு எளிதாக கைவிட முடிவதில்லை.

இருந்தாலும் ஆரோக்கியத்தின் மீது அதிக அக்கறை கொண்டவர்கள் சிவப்பு அரிசி, பழுப்பு அரிசி, தினை அரிசி, கவுனி அரிசி என்று பல்வேறு அரிசி வகைகளை உட்கொள்கின்றனர்.

ஆ கருப்பு அரிசி என்னும் கவுனி அரிசி, ஆரோக்கிய வரிசையில் முதல் இடத்தைப் பிடிக்கிறது. இந்த வகையில் அடுத்து வருவது மாப்பிள்ளை சம்பா அரிசி. மாப்பிள்ளை சம்பா புரதம், நார், தாது, உப்புச்சத்து நிறைந்தது. இதன் நீராகாரத்தை சாப்பிட்டால் நரம்புகள் வலுப்படும்.

காட்டு யானம் அரிசி நீரிழிவு நோயாளிகளுக்கு மிகவும் நல்லது. ஆன்டி ஆக்ஸிடென்ட் குணங்களால் இதய வியாதிகளுக்கு அற்புதமான மருந்தாகும்.