அதரனியின் 'கரண்ட் மேரசடி... மவுனம் கலைக்குமா மோடி அரசு!

இந்தியாவின் முக்கிய தொழிலதிபரும், உலக பணக்காரர்களில் ஒருவருமான அதானியை உடனே கைது செய்ய வேண்டும் என்ற கோரிக்கை நாடு முழுவதும் பரவலாக எழுந்துள்ளது. தமிழ்நாட்டு மார்க்சிஸ்ட் கட்சி தலைவர் பாலகிருஷ்ணன் முதல் அகில இந்திய காங்கிரஸ் முக்கிய தலைவர் ராகுல் வரை இதே கோரிக்கையை எழுப்பியுள்ளனர்.

- பரிதி பாலன்

"அதானியை உடனடியாக கைது செய்து விசாரிக்க வேண்டும். அவருக்கு பாதுகாப்பு கவசமாக இருக்கும், 'செபி'யின் தலைவரை நீக்க வேண்டும்.அதானி பற்றி பார்லிமென்டின் கூட்டுக் குழு விசாரணை தேவை என்று வலியுறுத்தி வருகிறோம்'' என்று ராகுல் கோரிக்கை விடுத்துள்ளார்.

அதானி அப்படி என்ன அடாத செயலை செய்துவிட்டார் என்றால், தனது தொழில் திட்டங்களுக்கு அரசின் ஒப்புதலை பெறுவதற்காக இந்தியாவின் சில மாநில அமைச்சர்களுக்கும், அதிகாரிகளுக்கும், 2,000 கோடி ரூபாய்க்கு மேல் லஞ்சம் கொடுத்துள்ளார் என்று அமெரிக்க நீதித்துறை சொல்கிறது.

அதுமட்டுமல்ல, அந்த தகவலை மறைத்து, அமெரிக்கர்களிடம் முதலீடுகளை திரட்டியுள்ளார் அதானி. இது, தண்ட னைக்குரிய குற்றம் என்று அமெரிக்க அரசு வழக்கு பதிவு செய்துள்ளது. அதன்படி அதானியை கைது செய்து ஆஜர்படுத்தவும் நீதிமன்ற பிடியாணைபிறப்பித்துள்ளது.

நியூயார்க் நீதிமன்றத்தில், அந்நாட்டின் நீதித்துறை இந்த குற்ற வழக்கை தாக்கல் செய்துள்ளது. அமெரிக்க பங்குச் சந்தை கண்காணிப்பு நிறுவனத்தின் சார்பிலும், முதலீட்டாளர்களை ஏமாற்றியதாக தனி வழக்கு தொடரப்பட்டுள்ளது.