കണ്ണിനും കണ്ണടയ്ക്കും..

ഇന്ന് കുട്ടികളിലും യുവതീയുവാക്കളിലും പവർലെൻസ് സ്റ്റൈൽ ഗ്ലാസ് അല്ലെങ്കിൽ സൺഗ്ലാസ് എന്നിവ ധരിക്കുന്ന ശീലം വർദ്ധിച്ചുവരികയാണ്

ഇന്ന് കുട്ടികളിലും യുവതീയുവാക്കളിലും പവർലെൻസ് സ്റ്റൈൽ ഗ്ലാസ് അല്ലെങ്കിൽ സൺഗ്ലാസ് എന്നിവ ധരിക്കുന്ന ശീലം വർദ്ധിച്ചുവരികയാണ്. ഇവയിൽ ഏറിയപങ്കും ഗുണനിലവാരമില്ലാത്ത വിലക്കുറവിൽ വിൽക്കപ്പെടുന്നവയുമാണ്. ഇവ ധരിക്കുന്നതു കാരണം വലിയ തോതിലുള്ള നേത്രരോഗങ്ങൾ ഉണ്ടായേക്കാമെന്ന് മുന്നറിയിപ്പ് നൽകുകയാണ് നേത്രരോഗവിദഗ്ധയായ പ്രശസ്ത ചെന്നൈയിലെ ഡോക്ടർ പത്മിനിമോസസ്.

ഗുണനിലവാരമില്ലാത്ത കോട്ടിങ്ങുകൾ, കളർകോട്ടിങ്ങുകൾ കണ്ണടകളിൽ പൂശുന്ന വെള്ളത്തിലോ വിയർപ്പിലോ അലിഞ്ഞ് ചർമ്മത്തിൽ പടർന്ന് ചർമ്മരോഗങ്ങളുണ്ടാക്കുന്നു. കണ്ണടയുടെ ഫ്രെയിമുകൾ ഗുണനിലവാരമില്ലാത്ത വസ്തുതകളിൽ നിർമ്മിക്കപ്പെട്ടതാണങ്കിൽ മൂക്കിന് സമ്മർദ്ദമുണ്ടായി അവിടെ പരിക്കോ, മുറിവോ, തഴമ്പോ, അലർജിയോ ഉണ്ടാക്കിയേക്കും. ഗുണ നിലവാരമില്ലാത്ത കണ്ണടകൾ സീറോപവർ, ബ്ളാങ്ക് പവർ എന്നൊക്കെ പറഞ്ഞ് വിൽക്കപ്പെട്ടാലും അധികം കണ്ണടകളിലും 0.25 എന്ന അളവിൽ പവർ ഉണ്ടായിരിക്കാം. അതുകൊണ്ട് കണ്ണിന് യാതൊരു രോഗവും ഇല്ലാത്തവർക്കും കാഴ്ചശക്തിക്ക് ദോഷം സംഭവിച്ചേക്കാം.