പനി ഒരു രോഗമല്ല രോഗലക്ഷണമാണ്

ശരിക്കും പറഞ്ഞാൽ പനി ഒരു രോഗമല്ല

- ഡോ. നീത ജോൺസൺ കൺസൾട്ടന്റ് പീഡിയാട്രീഷൻ ജെ.എസ്.എം ഹോസ്പിറ്റൽ ചാത്തന്നൂർ, കൊല്ലം, ഫോൺ: 8714176330,

എന്താണ് പനി ? അതൊരു രോഗമാണോ ? അതോ രോഗലക്ഷണമാണോ? കുഞ്ഞുങ്ങളിൽ പനി അപകടകാരിയാണോ?

ഒരു പീഡിയാട്രീഷൻ എന്ന നിലയിൽ ഞാൻ ഏറ്റവും കൂടുതൽ ഉത്തരം നൽകിയിട്ടുള്ള ചോദ്യങ്ങളാണ് മുകളിൽ കൊടുത്തിട്ടുള്ളത്. ഇതിൽ പ്രധാന ചോദ്യം എന്താണ് പനി, അതൊരു രോഗമാണോ, അതോ രോഗലക്ഷണമാണോ എന്നീ ചോദ്യങ്ങളാണ്. പ്രത്യേകിച്ചും കുഞ്ഞുങ്ങളുള്ള അമ്മമാരിൽ നിന്നുമാണ് ഈ ചോദ്യങ്ങൾ ഏറ്റവും കൂടുതൽ ഉണ്ടായിട്ടുള്ളത്.

ശരിക്കും പറഞ്ഞാൽ പനി ഒരു രോഗമല്ല. രോഗ ലക്ഷണമാണ്. അതായത് നമ്മുടെ ശരീരത്തിന്റെ ഒരു സ്വാഭാവിക പ്രതികരണമാണത്. ഉദാഹരണത്തിന് നമുക്കൊരു അണുബാധ ഉണ്ടായി എന്നിരിക്കട്ടെ. അത് ബാക്ടീരിയയാകാം, വൈറസാകാം.. എന്തുമാകട്ടെ. അപ്പോൾ നമ്മുടെ ബോഡി അതിനെതിരെ പ്രതിരോധിക്കുന്നതുകൊണ്ട് ബോഡിയിൽ ചൂട് കൂടും. അങ്ങനെ പ്രതിരോധിക്കുന്നതാണ് പ്രധാനമായും പനിയായി വരുന്നത്.

കുഞ്ഞുങ്ങളെ സംബന്ധിച്ച് പറയുമ്പോൾ, നമ്മുടെ നോർമൽ ബോഡി ടെംപറേച്ചർ എന്നുപറയുന്നത് 37 ഡിഗ്രി സെൽഷ്യസാണ്. രണ്ടുവയസ്സു വരെയുള്ള കുഞ്ഞുങ്ങളുള്ള അമ്മമാരുടെ സ്ഥിരം പരാതിയാണ്, എന്റെ കുഞ്ഞിന്റെ തലയിൽ ചൂടുണ്ട് പനിയാണോ എന്നുള്ളത്. കുഞ്ഞുങ്ങൾക്ക് പനി എന്നുപറയുമ്പോൾ അതിന്റെ നിർവചനം തന്നെ ടെംപറേച്ചർ എന്നാണ്. റെക്ടൽ ടെംപറേച്ചർ, അതായത് മലദ്വാരം വഴിയുള്ള ടെംപറേച്ചർ 100.4 ഡിഗ്രി ഫാരൻ ഹീറ്റിൽ കൂടുതലോ അല്ലെങ്കിൽ 38 ഡിഗ്രി സെൽഷ്യ സിൽ കൂടുതലോ ആണെങ്കിൽ അത് പനിയാണ്.