പാചകവാതകം ലാഭിക്കാൻ

ഗുണനിലവാരമുള്ള ഗ്യാസ് അടുപ്പുകളും അനുബന്ധവസ്തുക്കളും വാങ്ങാൻ ശ്രദ്ധിക്കുക. ഗുണമേന്മ കുറഞ്ഞ അടുപ്പുകൾ പാചകവാതകം നഷ്ടപ്പെടുത്തുകയേയുള്ളു.

- സുമ

വീണ്ടും പാചകവാതക വില കൂടി. കുടുംബ ബജറ്റുകളുടെ താളം തെറ്റിച്ച് പാചകവാതകവില കുതിക്കുമ്പോൾ സാധാരണക്കാരുടെ അടുക്കളയിൽ അത്യുഷ്ണമാണ്. പാചകവാതകത്തിന് വീണ്ടും അമ്പതുരൂപ വർദ്ധിപ്പിച്ച നടപടി ഇടത്തരം കുടുംബങ്ങളെ തെല്ലൊന്നുമല്ല ബാധിക്കുന്നത്. കുടുംബബജറ്റിന്റെ താളം തെറ്റുമെന്ന് ഉറപ്പ്. ഇപ്പോഴത്തെ സിലിണ്ടർ വിലയും സിലിണ്ടർ വീടുകളിലെത്തിക്കുന്നതിന് ഏജൻസികൾ ഈടാക്കുന്ന നിരക്കും കൂടി ചേരുമ്പോൾ വില വീണ്ടും ഉയരുന്നു. ഗ്യാസ് വില കീശയിൽ ഒതുങ്ങാത്ത വിധം വർദ്ധിപ്പിക്കുമ്പോൾ എന്താണ് വീട്ടമ്മമാർ ചെയ്യേണ്ടത്? അവയുടെ അമിത ഉപയോഗം കുറയ്ക്കാനുള്ള വഴികൾ തേടുകയാണ് ആദ്യപടി. അൽപ്പം ശ്രദ്ധിച്ചാൽ പാചകവാതകത്തിന്റെ അമിത ഉപയോഗം തടയാൻ കഴിയുമെന്നുറപ്പ്. പാചകവാതകം സൃഷ്ടിക്കുന്ന അപകടങ്ങളേക്കാൾ ഭയക്കേണ്ടത് കുതിച്ചു കയറുന്ന വിലയെയും അടിക്കടിയുണ്ടാകുന്ന ക്ഷാമത്തെയുമാണെന്ന് അടുക്കളമൊഴിയെ അവിശ്വസിക്കേണ്ടതില്ല. ഗ്യാസ് വില കൂടിയ സാഹചര്യത്തിൽ ഗ്യാസ് ലാഭിക്കാൻ വീട്ടമ്മമാർക്കായി ചില പൊടിക്കൈകളിതാ... ഗ്യാസ് സ്റ്റൗവിന്റെ ഉപയോഗം വീട്ടമ്മമാർക്ക് ഏറെ ആശ്വാസകരമാണ്. എന്നാൽ സ്റ്റൗ/ഗ്യാസ് ഉപയോഗരീതികളെക്കുറിച്ച് ശരിയായ ധാരണയില്ലെങ്കിൽ സമയനഷ്ടത്തോടൊപ്പം ഇന്ധനനഷ്ടവും വന്നുചേരും എന്ന കാര്യം മറക്കാതിരിക്കുക. ചെറിയ കാര്യങ്ങൾ ശ്രദ്ധിച്ചാൽ പാചകവാതക നഷ്ടം കുറയ്ക്കാൻ കഴിയും. അവ ഏതൊക്കെ എന്നല്ലേ? താഴെ കൊടുക്കുന്നു.

ആഹാരം പാകം ചെയ്യാനുള്ള സാധനങ്ങൾ ഒരുക്കിയശേഷം മാത്രം സ്റ്റൗവിന്റെ ബർണർ കത്തിക്കുക.