മക്കൾ നല്ല കുട്ടികളാവാൻ

മാതാപിതാക്കൾ കുട്ടികൾക്ക് വഴിയും വിളക്കുമായിരിക്കണം.

- സുമ മാക്സിമിൻ

കുട്ടികൾ മാതാപിതാക്കളെ കണ്ടാണ് വളരുന്നത്. അതുകൊണ്ടുതന്നെ മാതൃകാപരമായ ജീവിതമാണ് അവർ നയിക്കേണ്ടത്. നല്ലത് പറഞ്ഞുകൊടുക്കുകയും നല്ലത് ശീലിപ്പിക്കുകയും വേണം. തെറ്റ് എന്താണ്, ശരി ഏതാണ് എന്ന് മനസ്സിലാക്കി കൊടുക്കുന്നതിൽ വ്യക്തമായ കാഴ്ചപ്പാടും സമീപനവും ഉണ്ടായിരിക്കണം.

അടിസ്ഥാനപരമായി കുട്ടികളെ അടുത്തറിയാൻ അവരുമായി കൂടുതൽ സമയം ചെലവഴിക്കുക. അവരുടെ പ്രശ്നങ്ങൾ, സമസ്യകൾ കണ്ടറിഞ്ഞ് പെരുമാറുക.

എല്ലാം തുറന്ന് സംസാരിക്കാനുള്ള സ്വാതന്ത്ര്യവും സമയവും അവർക്കുണ്ടെന്ന ബോധ്യം വരുത്തുക.

വേണ്ടത്ര കരുതലും സ്നേഹവും വെച്ച് പുലർത്തുക.

പഠനകാര്യങ്ങളിൽ കൂടുതൽ പ്രോത്സാഹിപ്പിക്കുക. രക്ഷിതാക്കൾ ഒപ്പമുണ്ടെന്ന വിശ്വാസം കുട്ടികളിലുണ്ടാക്കിയാൽ സ്വാഭാവികമായും പഠനത്തിൽ അവർ താൽപ്പര്യവും ഉത്സാഹവും കാണിക്കും. തെറ്റായ കൂട്ടുകെട്ടിൽ കുടുങ്ങാനും സാധ്യത കുറയും. കൂട്ടുകാരെ അടുത്തറിയുക.

നല്ല കാര്യം ചെയ്താൽ കുട്ടികളെ അഭിനന്ദിക്കുക