അനുഭവിച്ചവർക്കേ വേദന മനസ്സിലാവു! മംമ്‌ത മോഹൻദാസ്

മമ്ത മോഹൻദാസ് ഇപ്പോൾ ജീവിതത്തിലും സിനിമയിലും സജീവമാണ്. കാൻസറിനെ മനോധൈര്യം കൊണ്ട് എതിർത്ത് കീഴടക്കി ജീവിതം തിരിച്ചുപിടിച്ച താരം സിനിമയിലും സക്രിയയാവുക യാണ്. വിശാലിന്റെ ജോഡിയായി ശിവപ്പതികാരം എന്ന സിനിമയിലൂടെ തമിഴിലെത്തി തുടർന്ന് കുശേലൻ, ഗുരു എൻ ആള്, തടയറതാക്ക തുട ങ്ങിയ സിനിമകളിലും അഭിനയിച്ചു. അങ്ങനെ തമിഴിലും മലയാളത്തിലും ഇന്നും സജീവമായിരിക്കുന്ന മംമ്താമോഹൻദാസ് തന്റെ ജീവിതത്തിലുണ്ടായ ദുരിതപൂർണ്ണമായ അനുഭവങ്ങളെക്കുറിച്ചും, തന്റെ കരിയറിനെക്കുറിച്ചും മനസ്സ് തുറന്നപ്പോൾ...

- അജയ്കുമാർ

കൊറോണക്കാലം എങ്ങനെ കഴിച്ചുകൂട്ടി?

ഞാൻ കുറച്ചുകാലമായി ആരോഗ്യപ്രശ്നങ്ങളാൽ ചികിത്സയിലായിരുന്നു. എപ്പോഴും ഞാൻ എന്റെ ആരോഗ്യകാര്യത്തിൽ വളരെയധികം ശ്രദ്ധിക്കുന്ന ആളാണ്. അതുകൊണ്ട് മിക്കവാറും വീട്ടിൽ തന്നെ കഴിച്ചുകൂട്ടി. ഈ ലോക്ക് ഡൗൺ കാലം എന്നെ സംബന്ധിച്ചിടത്തോളം വലിയ നഷ്ടങ്ങളൊന്നും ഉണ്ടാക്കിയില്ല. ഇതിനുമുമ്പും ഇത്തരത്തിലുള്ള ഈ ദുരവസ്ഥയിലായിരുന്നു ഞാൻ എന്നത് എല്ലാവർക്കുമറിയാം. ഞാൻ രോഗബാധിതയായിരിക്കുമ്പോൾ അച്ഛനോടും അമ്മയോടും വഴക്കടിച്ചുപോലുമുണ്ട്. കുറച്ചുനേരം ഞാൻ ഒച്ചവയ്ക്കും. പിന്നെ അവർ അവരുടെ മുറിയിലേക്ക് പോകും. ആറുവർഷം കാൻസറിന് ഒപ്പം ജീവിച്ചു. കാൻസർ ബാധിച്ച കാലത്ത് ഞാൻ പുറത്തിറങ്ങിയതേ ഇല്ല. എന്റെ ജീവിതം കഴിഞ്ഞ കുറേ വർഷങ്ങളായി സാമൂഹ്യ അകലം പാലിച്ചാണ് കടന്നുപോയത്. കാൻസറിനൊപ്പമുള്ള എന്റെ പ്രയാണം എല്ലാറ്റിനേയും സമമായി കാണാനുള്ള പക്വതയേകി എന്നുപറയാം. ഇതിനെക്കുറിച്ച് ഞാൻ എത്രയൊക്കെ നിങ്ങൾക്ക് വിവരിച്ചാലും അത് നിങ്ങൾക്ക് മനസ്സിലാക്കാനാവില്ല. വേദന അനുഭവിച്ചവർക്കേ ആ വേദനയുടെ കാഠിന്യം മനസ്സിലാവുകയുള്ളൂ.