ഒരു അടിപൊളി കോമ്പോ ബോളിയും പാലടയും

കേരളത്തിന്റെ ആഘോഷങ്ങളിൽ ഒഴിച്ചു കൂടാനാവാത്ത വിഭവമായി മാറിക്കൊണ്ടിരിക്കുകയാണ്

- എൽ.സി.

മഞ്ഞനിറത്തിലുള്ള ദോശപോലെയോ, ചപ്പാത്തിപോലെയോ തോന്നുന്ന വൃത്താകൃതിയിലുള്ള ഒരു മധുരപലഹാരം. പട്ടുപോലെ മൃദുലമായ വായിലിട്ടാൽ അലിഞ്ഞുകൊണ്ടിരിക്കുന്ന, കഴിച്ചാൽ പ്രിയമുള്ളതായി മാറുന്ന ഈ മധുരപലഹാരത്തെ നമുക്ക് ബോളി എന്നുവിളിക്കാം. തിരുവനന്തപുരത്തുകാരുടെ സ്വകാര്യ അഹങ്കാരമായ ബോളി ഇന്ന് ബിരിയാണിയുടെയും ഹൽവയുടെയും നാടായ കോഴിക്കോട്ടുക്കാരുടേയും പ്രിയപ്പെട്ടതായി മാറിക്കൊണ്ടിരിക്കുകയാണ്. കടലപ്പരിപ്പും മൈദയും പഞ്ചസാരയും നല്ലെണ്ണയും ഏലക്കാപ്പൊടിയും ഉപ്പും നെയ്യുമെല്ലാം ചേർത്തുണ്ടാക്കുന്ന ബോളി ബ്രാഹ്മണ സമൂഹത്തിന്റെ മാത്രമായ പലഹാരമായിരുന്നു ഒരു കാലത്ത്. ഇന്നത് കേരളത്തിന്റെ ആഘോഷങ്ങളിൽ ഒഴിച്ചു കൂടാനാവാത്ത വിഭവമായി മാറിക്കൊണ്ടിരിക്കുകയാണ്. തിരുവനന്തപുരത്തുകാരുടെ ഏതൊരാഘോഷങ്ങൾക്കും സദ്യക്കൊപ്പം ബോളിയും പാൽപ്പായസവുമില്ലെങ്കിൽ ആ സദ്യ പൂർണ്ണമാകില്ല. പായസത്തോടെ ബോളി കഴിക്കുമ്പോഴാണ് അതിന്റെ യഥാർത്ഥ രുചി നാം അറിയുന്നത്. അത് അനുഭവിച്ചുതന്നെ അറിയുക. മലബാറിൽ ഇന്ന് സോഷ്യൽ മീഡിയകളിലൂടെ വൈറലായ ബോളിയും പാലടയും കോഴിക്കോട്ടുകാർക്ക് പരിചയപ്പെടുത്തിയ തമിഴ് ബ്രാഹ്മണകുടുംബത്തിലെ രാജി എന്ന വീട്ടമ്മയെ പരിചയപ്പെടാം.

ബിസിനസ്സ് രംഗത്തേക്ക്