സമ്മാനവുമായി വരുന്ന സാന്താക്ലോസ്

ഓരോ ക്രിസ്തുമസ് കാലവും പപ്പയെ മിസ്സ് ചെയ്യാറുണ്ട്

- ബിന്ദു പി.പി

 ചെറുപ്പം മുതൽ കേൾക്കുന്ന കഥയാണ് ക്രിസ്തുമസിന് ഒരുപാട് സമ്മാനങ്ങളുമായി  വരുന്ന സാന്താക്ലോസിന്റെ കഥകൾ. അതു കൊണ്ടുതന്നെ ഓരോ വർഷവും പ്രതീക്ഷയോടെ കാത്തിരിക്കാറുണ്ട്. ആദ്യമെല്ലാം സാന്താക്ലോസിന്റെ വേഷമിട്ട് ആരുവന്നാലും എനിക്ക് സമ്മാനം തരാനായി വന്നതാവുമെന്ന് ഓർത്ത് സന്തോഷിച്ചിട്ടുണ്ട്. വലുതായപ്പോഴാണ് അതൊന്നും ശരിക്കുമുള്ള സാന്തയല്ലെന്ന് മനസ്സിലാക്കുന്നത്. ക്രിസ്തുമസ് ഓർമ്മയിൽ അമേയ മാത്യു പറഞ്ഞു.

ഈ വർഷത്തെ ക്രിസ്തുമസ് എത്രമാത്രം സ്പെഷ്യലാണ് ? ജീവിതത്തിൽ പുതിയൊരാൾ വരുന്നുവെന്നത് തന്നെയാണ് ഈ വർഷത്തെ ക്രിസ്തുമസ് സ്പെഷ്യലാവുന്നത്. കഴിഞ്ഞ വർഷത്തെ ക്രിസ്തുമസ് വരെ ഞാൻ സിംഗിളായിരുന്നു. എന്നാൽ ഈ വർഷം എന്റെ എൻഗേജ്മെന്റ് കഴിഞ്ഞു. എന്റെ സുഹൃത്തായ കിരണിനെയാണ് വിവാഹം ചെയ്യുന്നത്. പണ്ടത്തെക്കാൾ കൂടുതൽ എക്സൈസൈറ്റ്മെന്റ് തോന്നാൻ ഇപ്പോൾ ഞങ്ങളുടെ ഫാമിലി വലുതായി. അപ്പോൾ ആഘോഷങ്ങളുടെ പകിട്ടും കൂടും. അടുത്ത വർഷത്തെ ക്രിസ്തുമസ് കിരണിനൊപ്പമെന്നത് സന്തോഷം നൽകുന്ന കാര്യമാണ്. വിവാഹം അടുത്തവർഷം കാണും.

പപ്പയില്ലാത്ത ഓരോ ക്രിസ്തുമസ് കാലം