പട്ടം പറത്തൽ മഹോത്സവം ഒരു വിസ്മയക്കാഴ്ച

ഈ ഉത്സവവേളയിൽ എതിരാളികളുടെ പട്ടങ്ങളുടെ ചരടുവലിച്ചു പൊട്ടിക്കുവാൻ ശ്രമിക്കുന്ന ഈ വിനോദം എപ്പോഴും മത്സരത്തോടു കൂടിയെ കാണുവാൻ കഴിയൂ

- കണ്ണാനി കാനം

പ്രശസ്തവും അറിയപ്പെടുന്നതുമായ "മകര സംക്രാന്തി ഉത്സവം പുതുവർഷത്തിലെ അഥവാ ജനുവരി മാസത്തിലെ ആദ്യത്തെ ഉത്സവമാണ്. ഇത് ജനുവരി മാസത്തിലെ 14 ന് അല്ലെങ്കിൽ 15 ന് ആയിരിക്കും സാധാരണയായി ആഘോഷിച്ചുപോരുന്ന ത്. ഈ ദിവസം സൂര്യൻ ദക്ഷിണായന രേഖയിൽ നിന്ന് ഉത്തരായനത്തിലേക്ക് പ്രവേശിക്കുന്നു.  രാജ്യത്തെ വിവിധ സംസ്ഥാനങ്ങളിൽ ഈ  ദിവസം വ്യത്യസ്ത  പേരുകളിൽ ഈ ഉത്സവം ആഘോഷിച്ചുപോരുന്നു. ഗുജറാത്തിൽ ഈ ഗുജറാത്തിൽ ഈ ഉത്സവം "പതംഗ്' എന്ന പേരിൽ അറിയപ്പെടുന്നു.

ഗുജറാത്തിൽ മകരസംക്രാന്തിയോടനുബന്ധിച്ച് ഏതാണ്ട് ഒരാഴ്ചയോളം നീണ്ടുനിൽക്കുന്ന ഒരു പ്രധാന ഉത്സവമായാണ് പതംഗ് എന്നറിയപ്പെടുന്ന പട്ടം പറത്തൽ മഹോത്സവം. ജനുവരി ആദ്യവാരം തൊട്ടുതന്നെ കുട്ടികളും മുതിർന്നവരും പട്ടം പറപ്പിക്കലിൽ ജാഗരൂകരായിരിക്കുമെങ്കിലും ഈ ഉത്സ വത്തിന്റെ അവസാന രണ്ടുമൂന്ന് ദിവസങ്ങൾ ഒരിടത്തും കാണാൻ കഴിയാത്ത ആര വത്തോടും അതിരറ്റ ഉത്സാഹത്തോടും കൂടി ഈ പട്ടം പറത്തലിൽ പങ്കെടുക്കുന്നത് പ്രത്യേക കൗതുകവും വിസ്മയവും ഉളവാക്കുന്നതു തന്നെയാണ്.