50 പ്ലസ്

മദ്ധ്യവയസ്സിൽ സ്ത്രീകൾ അഭിമുഖീകരിക്കുന്ന പ്രശ്നങ്ങൾ

- ഡോ. ലക്ഷ്മി അമ്മാൾ ഗൈനക്കോളജിസ്റ്റ്

രോഗം വരുമ്പോൾ മാത്രം ആരോഗ്യത്തെപ്പറ്റി ചിന്തിക്കുന്നവരാണ് ഭൂരിഭാഗം ആൾക്കാരും. എല്ലാ കാര്യങ്ങളിലും ഒരു മുൻ കരുതൽ എടുക്കുന്ന നാം ആരോഗ്യത്തിന്റെ കാര്യത്തിൽ ഈ ശ്രദ്ധ കാട്ടാറില്ല എന്നതാണ് വാസ്തവം. വിദ്യാഭ്യാസം, ജോലി, ഗൃഹനിർമ്മാണം എന്നിവയ്ക്കെല്ലാം തന്നെ വളരെ നേരത്തെയുള്ള മുൻകരുതലും അതിനുവേണ്ടിയുളള മനക്കണക്കും നാം ചെയ്യാറുണ്ട്. ഈ കണക്കുകളോ കരുതലുകളോ ആരോഗ്യത്തിന്റെ കാര്യത്തിൽ ഇല്ല തന്നെ. സ്ത്രീകൾ പ്രത്യേകിച്ചും ആരോഗ്യ വിഷയത്തിൽ പുറകോട്ടാണ്.

ഓജസ്സോടെ ചുറുചുറുക്കോടെ ഓടി നടന്നുകൊണ്ടിരിക്കുന്ന നാം മദ്ധ്യവയസ്സിലേക്കും വാർദ്ധക്യത്തിലേയ്ക്കു കിടക്കുന്നത് ആരോഗ്യപരമായ പ്ലാനിങ് ഇല്ലാതെയാണ്. അതുകൊണ്ടുതന്നെ രോഗാതുരകൾ ഏറുകയും ചെയ്യും

മദ്ധ്യവയസ്സിൽ സ്ത്രീകൾ അഭിമുഖീകരിക്കുന്ന പ്രശ്നങ്ങൾ പ്രത്യേകമായും പരോക്ഷമായും അനവധിയാണ്. 50 വയസ്സിലേക്ക് കടക്കുന്ന ഒരു ശരാശരി സ്ത്രീയുടെ സാഹചര്യങ്ങൾ വിശകലനം ചെയ്താൽ ജീവിതത്തിൽ ഏറ്റവും കൂടുതൽ കർമ്മ നിരത ആകുന്ന കാലഘട്ടം ഇതാണ് എന്ന് നമുക്ക് മനസ്സിലാകും. വയസ്സായ മാതാപിതാക്കൾ, പഠിത്തം പൂർത്തിയാക്കി ജോലി അന്വേഷിക്കുന്ന മക്കൾ, കല്യാണപ്രായമായ പെൺകുട്ടികൾ എന്നിങ്ങനെ ഗാർഹിക ഉത്തരവാദിത്വങ്ങളുടെ ഒരു വേലിയേറ്റം, അതിനൊപ്പം ആർത്തവവിരാമം അടുക്കുന്നതുമായി ബന്ധപ്പെട്ട മാനസികവും പ്രശ്നങ്ങൾ ഇതിനിടയിൽ ശാരീരികവുമായ സ്വന്തം ആരോഗ്യത്തെപ്പറ്റി ചിന്തിക്കാൻ സമയമില്ലാതെ പോകുന്നതിൽ അത്ഭുതമില്ല. മദ്ധ്യവയസ്സിലേക്ക് കടക്കുന്ന ഒരു സ്ത്രീയുടെ ആരോഗ്യപ്രശ്നങ്ങൾ പലതാണ്. അവയെ നമുക്ക് മൂന്നായി തരം തിരിക്കാം.

 1. സ്ത്രീകളിലും പുരുഷന്മാരിലും പൊതുവായി കാണുന്ന ആരോഗ്യ പ്രശ്നങ്ങൾ

2. മാസമുറ നിന്നുപോയതിന്റെയോ ആർത്തവ വിരാമം അടുക്കുന്നതിന്റെയോ ശാരീരികവും മാനസികവുമായ പ്രശ്നങ്ങൾ,