കൈപ്പന്തുകളിയിലെ പരിശീലക ദമ്പതികൾ

ഇന്ത്യയുടെ കായിക ഭൂപടത്തിൽ തിളക്കമാർന്ന ഒട്ടനവധി അടയാളപ്പെടുത്തലുകൾ നടത്തിയിട്ടുള്ള സംസ്ഥാനമാണ് കേരളം

- പി.ജയചന്ദ്രൻ

കായികതാരങ്ങളായും, പരിശീലകരായുമൊക്കെ നിരവധി പേരുകളാണ് ആ പട്ടികയിൽ കേരളത്തിന്റേതായി എഴുതിച്ചേർക്കപ്പെട്ടിട്ടുള്ളത്. ഒളിംപ്യൻ സുരേഷ് ബാബു, യോഹന്നാൻ, രഘുനാ ഥൻ, പി.ടി. ഉഷ, ഷൈനി വിത്സൻ തുടങ്ങി ശ്രീജേ ഷിലും, സഞ്ജു സാംസണിലും ഏറ്റവും ഒടുവിൽ മിന്നുമണിയിൽ വരെ എത്തിനിൽക്കുന്ന എത്രയോ പേരുകളാണ് കളിക്കളത്തിൽ നിന്നും എടുത്തുകാട്ടു വാനുള്ളത്. പരിശീലകരുടെ കൂട്ടത്തിലാണെങ്കിൽ ഇൻഡ്യൻ ഒളിംപിക് ടീമിന്റെ കോച്ച് രാധാകൃ ഷ്ണൻ നായരും, ബോക്സിംഗ് കോച്ച് ചന്ദ്രലാലുമൊക്കെ, രാജ്യത്തിന് നിരവധി അഭിമാനതാരങ്ങളെ വാർത്തുനൽകിയവരാണ്.

ആ നിരയിലേക്കാണ് ചന്ദ്രലാലിനെപ്പോലെ കൊല്ലത്തുനിന്നും ഒരു ദേശീയ കായികതാരപരിശീ ലകനെന്ന നിലയിൽ ജോൺ ജേക്കബ്ബിന്റെ കടന്നുവരവ്. ആ വരവിന് ഒരു പ്രത്യേകതയുള്ളത്. രാജ്യത്ത് ആദ്യമായാണ് ഒരു മലയാളി സർവ്വീസിന്റെ (രാജ്യത്തെ മൂന്ന് സേനളിൽ നിന്നുള്ളവരെ മിലിറ്ററി, നേവി എയർഫോഴ്സ്,  ചേർത്തുള്ളതാണ് സർവ്വീസസ് ടീം ) കോച്ചിന്റെ പദവിയിലെത്തുന്നത്. പ്രായത്തിന്റെ കാര്യത്തിലുമുണ്ട് ഇൻഡ്യൻ പ്രത്യേകത. ഹാൻഡ് ബോൾ ടീമിന്റെ ചരിത്രത്തിൽ ഏറ്റവും കുറഞ്ഞ പ്രായത്തിൽ കോച്ച് ആകാനുള്ള സൗഭാഗ്യമാണ് കൊല്ലം മുണ്ടയ്ക്കൽ ജെ. നിവാസിൽ സി.ജെ.ജെ. ജേക്കബ്ബിന്റെയും പരേതയായ ഓമനാ ജേക്കബ്ബിന്റെയും രണ്ട് ആൺമക്കളിൽ മൂത്തവനായ ജോൺ ജേക്കബ്ബിന് ലഭിച്ചത്. ഇപ്പോൾ 43 വയസ്സുള്ള ജോൺ ജേക്കബ്ബ് സർവ്വീസസിന്റെ ഹാൻഡ് ബോൾ കോച്ചിന്റെ പദവിയിലെത്തിയത് അഞ്ചുവർഷം മുൻപ് 38-ാമത്തെ വയസ്സിലാണ്.

അമ്മയുടെ ആഗ്രഹവും അച്ഛന്റെ പ്രോത്സാഹനവും