പ്രസവരക്ഷയും പേറ്റുമരുന്നും

പേറ്റുമരുന്ന് എന്ന പേരിൽ കുറച്ച് പൊടികളോ ലേഹ്യങ്ങളോ കഴിക്കുന്നതല്ല ആയുർവേദ പ്രസവരക്ഷാമരുന്ന് എന്ന് മനസ്സിലാക്കുക.

- ഡോ. അംബിക ചീഫ് മെഡിക്കൽ ഓഫീസർ& മാനേജിംഗ് ഡയറക്ടർ ഡോ. അംബിക്സ് അഭയ ആയൂർവ്വേദ& വെൽനെസ്സ് വാളഞ്ചേരി, വലിയകുന്ന്, മലപ്പുറം

പ്രസവശേഷം ഒന്നരമാസക്കാലമോ അടുത്ത ആർത്തവം കാണുന്നതുവരെയോ അതായത് ഗർഭ പൂർവ്വാവസ്ഥയിലേക്ക് എത്തിച്ചേരുന്ന കാലത്തെ ആയുർവേദത്തിൽ സൂതികാകാലം എന്നാണ് അറിയപ്പെടുന്നത്. നോർമൽ പ്രസവം കഴിഞ്ഞ് അടുത്ത ദിവസം തന്നെ ആശുപത്രിയിൽ നിന്നും വീട്ടിലേയ്ക്ക് വരുമ്പോൾ കുറച്ചുദിവസത്തേക്കുള്ള മരുന്നുകളാകും ഗൈനക്കോളജിസ്റ്റ് നൽകുക.

അതിനുശേഷമാണ് ആയുർവേദ മരുന്നുകൾ തുടങ്ങുന്നത്. ഗർഭാശയം ചുരുങ്ങുന്നതും ഗർഭാശയ ശുദ്ധിക്കും മുറിവുണങ്ങുന്നതിനും വേദന കുറയ്ക്കുന്നതിനുമാണ് ഔഷധം നൽകുന്നത്.