വായിച്ചാലും ഇല്ലേലും; പക്ഷേ...

പുതുയുഗത്തിലെ പുതുവായനക്കാരെ കണ്ടെത്തി വായനയിലേക്കും പുസ്തകങ്ങളിലേക്കും അവരെ കൊണ്ടുപോകുന്ന കോഴിക്കോട്ടെ സഹോദരികളെ പരിചയപ്പെടാം.

- എൻ.സി.

വായിച്ചാലും വളരും വായിച്ചില്ലേലും വളരും വായിച്ചു വളർന്നാൽ വളരും.വിളയും വായിക്കാതെ വളർന്നാൽ വളയും. കുട്ടികളുടെയും മുതിർന്നവരുടെയും മനസ്സിൽ ഇന്നും കുഞ്ഞുണ്ണിയായി ജീവിക്കുന്ന ആ വലിയ കുറിയ മനുഷ്യന്റെ വരികളിലൂടെ തുടങ്ങാം. അതിയാരത്ത് ജനിച്ച കുഞ്ഞുണ്ണിമാഷിന്റെ വരികൾ ഓർക്കാതെ എന്ത് വായന. കോഴിക്കോട് കണ്ണഞ്ചേരി രാമ കൃഷ്ണ മിഷൻ സേവാ ഗ്രാമ സ്ക്കൂളിലെ പവിത്രമായ മണ്ണിൽ നിന്നു കൊണ്ട് ജംഷീറ ടീച്ചർ പറഞ്ഞുതുടങ്ങി.

1953 ലാണ് കുഞ്ഞുണ്ണി മാഷ് ഇവിടെ അധ്യാപകനായി എത്തിയത്. ആ മഹാന്റെ പാദസ്പർശമേറ്റ മണൽത്തരികളി ലൂടെ സഞ്ചരിക്കുമ്പോഴും ഒരു നിയോഗം പോലെ ഞാൻ പുസ്തകലോകത്ത് എത്തിപ്പെ ട്ടു. ജൂൺ 19 ന് ഒരു വായനാദിനം കൂടി കൊഴിഞ്ഞുവീണപ്പോൾ വായനയുടെ പച്ചത്തുരുത്തിൽ നിന്നും റീഡേഴ്സ് ഡൈജസ്റ്റ് എന്ന വടവൃക്ഷം 86 വർഷത്തിനുശേഷം നിലംപൊത്തിയതും വായനയെ, പുസ്തകങ്ങളെ ഏറെ സ്നേഹിക്കുന്നവർക്ക് വരാൻ പോകുന്ന വലിയ ഒരു വിപത്തിന്റെ മുന്നൊരുക്കമായി തോന്നുമ്പോഴും പുതുയുഗത്തിലെ പുതുവായനക്കാരെ കണ്ടെത്തി വായനയിലേക്കും പുസ്തകങ്ങളിലേക്കും അവരെ കൊണ്ടുപോകുന്ന കോഴിക്കോട്ടെ സഹോദരികളെ പരിചയപ്പെടാം.

ഇഷ്ടം മാതൃഭാഷ തന്നെ

കല്ലായി കണ്ണഞ്ചേരി സ്ക്കൂൾ പറമ്പ് വീട്ടിലെ അസൻ കോയയ്ക്കും അബിക്കും അഞ്ച് പെൺകുട്ടികളാണ്. ബുഷ റ, നസീറ, ജംഷീറ, സുഹൈറ, ജാസിറ. ഒരു സാധാരണ മുസ്ലീം കുടുംബത്തിൽ ജനിച്ച അസൻ കോയ തന്റെ പെൺമക്കൾക്ക് ഉന്നതവിദ്യാഭ്യാസസം നൽകി. അഞ്ച് പെൺമക്കളാണെങ്കിലും അവർക്ക് എല്ലാവിധ സ്വാതന്ത്ര്യവും വീട്ടിൽ നൽകിയിരുന്നു. മതബോധത്തോടും തികഞ്ഞ അച്ചടക്കത്തോടെയുമായിരുന്നു അഞ്ചുപേരും വളർന്നത്. അറബിക്കിൽ എം.എ, ബി. എഡ്കാരി യായ ജംഷീറ രാമകൃഷ്ണമിഷൻ സ്ക്കൂളിൽ അറബിക് അധ്യാപികയായി ജോലിയിൽ പ്രവേശിച്ചു.