കുതിരക്കുളമ്പടിയുമായി ഇന്ത്യയുടെ യശസ്സ് ഉയർത്തിയ മലപ്പുറത്തുകാരി നിദാ അൻജും

ഇത് നിദാ അൻജും ചേലാട്ട്. മലപ്പുറം-തിരൂർ-കൽപ്പകഞ്ചേരി സ്വദേശിനി. വലിയൊരു ചരിത്രനേട്ടത്തിന് ഉടമയാണ് ഈ 22-കാരി.

- നെല്ലിക്കുത്ത് ഹനീഫ

യു.എ.ഇ, ബഹ്റൈൻ, സ്പെയിൻ, ഫ്രാൻസ്, ഇറ്റലി തുടങ്ങി 40 രാജ്യങ്ങളിൽ നിന്നുള്ള 118 കുതിരയോട്ടക്കാർക്കൊപ്പം, മാറ്റു രച്ച ഈ പെൺകുട്ടി, വിജയകരമായി മത്സരം പൂർത്തീകരിച്ച്, റെക്കോർഡ് കരസ്ഥമാക്കിയ ആദ്യ ഇന്ത്യൻ വ്യക്തിയാണ്. കുതിരക്കുളമ്പടിയു മായി, ഇന്ത്യയുടെ യശസ്സ് ഉ യർത്തിപ്പിടിച്ച മലപ്പുറത്തുകാരി പെൺകുട്ടി! രാജ്യാന്തര പ്രശസ്തമായ ഐ.ഇ.എഫ് (ഇന്റർനാഷണൽ ഇക്വസ്ട്രിയൻ ഫെഡറേഷൻ) സംഘടിപ്പിച്ച ദീർഘദൂര കുതിരയോട്ട മത്സരമായ "ഇക്വസ്ട്രിയൻ വേൾഡ് എൻഡ്യുറൻസ് ചാംപ്യൻഷിപ്പ് പൂർത്തിയാക്കുന്ന ആദ്യ ഇന്ത്യൻ എന്ന നേട്ടമാണ് നിദാ അൻജും ചേലാട്ടിന്റേത്. ലോകത്തിലെ ഏറ്റവും വലിയ കുതിരയോട്ട മത്സരത്തിന്റെ ആഗോളവേദിയാണി ത്. ഇവിടെ ഹെൽമെറ്റിലും ജേഴ്സിയിലും ഇന്ത്യൻ പതാക വഹിച്ച് ചരിത്രത്തിൽ ആദ്യമായാണ് ഒരു ഇന്ത്യൻ പെൺകുട്ടി ഈ മത്സരം പൂർത്തിയാക്കുന്നത്.