தாய்லாந்தில் சிவன் கோவில்!

தென்னாடுடைய சிவனே போற்றி, எந்நாட்டவர்க்கும் இறைவா போற்றி என்று சிவனை வழிபடுவதுண்டு அந்த வகையில் தென் தாய்லாந்தின், நாக்கோன்சி தாமரத் சமஸ்தானத்தில் நடக்கும் விழா நாங்கி ராதன் திருவிழா! பூமிக்கு சிவனை வரவேற்கும் நூதன விழாவாக திகழ்கிறது

இந்தியர்கள் வியாபாரத்திற்காக, ரோமாபுரி, பிரெஞ்சு நாடுகளுக்கு சென்ற பாதை இந்த நாக்கோன்சி தாமரத் வழியாகத்தான் சென்றது.

மேலும் 7-ம் நூற்றாண்டில் சோழ, பல்லவ அரசர்கள் தங்கள் படைப்புடன் இங்கு வந்த போது கூடவே புத்தமதம், இந்துமதம் சார்ந்த பிரசங்கம் செய்பவர்களையும் அழைத்துச் சென்றனர். அத்துடன் அங்கு கட்டப்படும் இந்து கோயில்களில் பணியாற்ற அர்ச்சகர்களையும் அழைத்துச் சென்றனர்.

இந்த அர்ச்சகர்கள் ஒரு கால கட்டத்தில் அங்கேயே நிரந்தரமாக தங்கி விட்டனர். 19-ம், 20-ம் நூற்றாண்டில் இவர்களில் பலர் தாய்லாந்து மன்னரின் குழுக்களில் இடம் பெற்றனர். இப்போதும் தாய்லாந்தில், டிசம்பரில் திருவெம்பாவை நடக்கும் திருப்பாவை கொண்டாட்டங்களை நடத்துவது இவர்கள் தான். இதுதவிர தாய்லாந்து மன்னரின் முக்கிய நிகழ்வுகளின் போதும் இவர்களை பங்கு பெற செய்கின்றனர்.