சாரதாபீடம்!

பல இடங்களுக்குச் சென்று வேதக்கருத் துக்களை போதித்த சங்கரர் வேத பாடசாலை அமைக்கும் பொருட்டு ஒரு நல்ல இடத்தை தேடி வந்தார். இன்றைய கர்நாடக மாநிலத்தில் துங்கபத்ரா நதி பாயும் புண்ணிய பூமிக்கு வந்தார்.

அந்த இடத்திற்கு சிருங்கேரி என்று பெயர். சிருங்கேரி என்ற பெயர் எப்படி வந்தது? முன்னாளில் ரிஷ்யசிங்கர் என்ற மாமுனிவர் இந்த இடத்தில் தவம் இயற்றி வந்தார். அவர் பாதம்பட்ட இடத்தில் நன்றாக மழை பெய் யும் என்று புராணம் கூறும் செய்தி. இவர் தான் தசரதன் குழந்தை பேறு வேண்டி யாகத்தை முன்னின்று நடத்தினார். இப்படிப் பட்ட பூமி சங்கரர் பாதம் பட்டதும் பெருமை கொண்டது. அங்கு ஒரு நாள் சங்கரர் தியானத்தில் அமர்ந்திருந்தார். அவருடன் சுரேசர், பாரதியும் கூட சென்று வேதக்கருத்துக்களை பரப்பி வந்தார்கள். அப் போது பாரதிதேவி ஒரு காட் சியைக் கண்டார். ஒரு தவளையானது வெப்பம் தாங்காமல் நாக்கை வெளியே நீட்டித் தவித்தது.