வாழ்வியலும் பொருளியலும்!

மனித வாழ்வோட்டத்தில் இன்றியமையாததும் தவிர்க்க | முடியாததுமான ஒன்றாகும். வாழ்க்கையை பொருள் உள்ளதாக மாற்றுவது பொருள் ஆகும். ஒவ்வொரு தனி மனிதனையும் வலுப்படுத்தி மனதில் வலுவாக நம்பிக்கை கொள்ள வைப்பது பொருள் ஆகும்.

திருக்குறள் உலகில் வாழ்வாங்கு வாழ்வதற்கான வாழ்வியல் நெறிகளை வகுத்துரைத்துள்ளது.

குறிப்பாக மனிதன் பொருளீட்டி எவ்வாறு வாழ வேண்டும் என்பதைத் தெளிவாக எடுத்துரைத்துள்ளது.

திருக்குறளில் பொருளின் தன்மையும் பொருளீட்டும் முறைகளும் அவற்றைத் திட்டமிட்டு செலவு செய்யும் முறைகளும் எடுத்துரைக்கப்பட்டுள்ளது. குறள் கூறும் பொருளியல் சிந்தனைகள் இன்றளவும் வழிகாட்டும் பொருளியல் நெறிகளாக உள்ளனவா? என்பது தான் கேள்வி.

பொருளீட்டல் தொடர்பான முன்னோர்கள் சிந்தனைகள் தற்கால சமூகத்துக்கு இன்றியமையாதவை. இன்றைய சமுதாயம் பொருளினாலும் பொருளீட்டல் முறைகளினாலும் மனிதநேயம் இழந்த நிலையில் தங்களுக்குள் முரண்பாடுகளை வளர்த்துக் கொண்ட மக்கள் கூட்டத்தைக் கொண்டிருக்கிறது.

பொருள் மனிதனுக்குத் தேவையான ஒன்றே. இருப்பினும் அதனை ஈட்டுவதற்கும் பயன்படுத்துவதற்கும் நியமங்கள் உள்ளன. அத்தகைய நியமங்களை இன்றைய சமுதாயத்துக்கு எடுத்துக் கூறும் இலக்கியமாக திருக்குறள் இருக்கிறது.

திருக்குறள் காட்டிய வாழ்வியல் பொருளை ஈட்டி, அதனைப் பாதுகாத்து, வரவறிந்து செலவு செய்து, நாட்டையும் வீட்டையும் முன்னேற்றப் பாதையில் இட்டுச் செல்ல வேண்டும். குறளின் பொருளியல் சிந்தனை எக்காலத்துக்கும் பொருந்தும் பொருளியல் சட்டமாக அமைந்திருக்கிறது.