മുളയുടെ ചങ്ങാതി

മുളയുടെ നന്മ പ്രചരിപ്പിക്കുന്ന പ്ലസ് ടുക്കാരി നൈന ഫെബിൻ

- വിജീഷ് ഗോപിനാഥ്

മുള നൃത്തം ചെയ്യുന്നത് കണ്ടിട്ടുണ്ടോ?'
നൈന ഫെബിൻ ചോദിച്ചപ്പോഴാണ് ഭാരതപ്പുഴയുടെ കൈ വഴിയായ തൂതപ്പുഴയുടെ മണലിലേക്ക് ചാഞ്ഞു നിന്ന മുളങ്കൂട്ടത്തെ ഒന്നു കൂടി നോക്കിയത്. ശരിയാണ്. കാറ്റൊന്നു തൊട്ടപ്പോൾ തന്നെ ഇലവിരലുകൾ ഇളകി. പിന്നെ, അരികിലൂടെ പണ്ടെങ്ങോ ഒഴുകിയ ജലപാതയുടെ ഓർമയിലേക്ക് ലാസ്യത്തിലാടിത്തുടങ്ങി. മണലിലേക്ക് തലചായ്ച്ച് മുളയുടെ ഉടലാട്ടം.

"മോഹിനിയാട്ടം പഠിച്ചതു കൊണ്ടാകാം, മുള ആടുന്നത് കാണുമ്പോൾ നൃത്തത്തിലെ പല ഭാവങ്ങളും തോന്നും. നല്ല പാട്ടുകാരും കൂടിയാണ് ഇവർ. കാതോർത്താൽ കേൾക്കാം.'' ശരിയാണ് മുള മൂളുന്നുണ്ട്.

ഇത് മുളയുടെ കൂട്ടുകാരി; പാലക്കാട് കൊപ്പത്തെ നൈന ഫെബിൻ. ഈ പ്ലസ്ടുകാരി കേരളത്തിലാകെ ഇതുവരെ രണ്ടായിരത്തിലധികം മുള നട്ടിട്ടുണ്ട്. സ്കൂളുകൾ തോറും മുളയറിവുകളുമായി യാത്ര ചെയ്ത് പ്രകൃതിയുടെ തുടിപ്പുകൾ കുഞ്ഞു മനസ്സിൽ നട്ടു വളർത്തുന്നു.

നൈനയുടെ നേട്ടങ്ങൾ അറിയാൻ ഷോകെയ്സിലിരിക്കുന്ന പുരസ്കാരങ്ങളിലൂടെ ഒന്നു കണ്ണോടിച്ചാൽ മതി. കേരള വനം വകുപ്പിന്റെ വന മിത്ര, സംസ്ഥാന വനിതാ ശിശു വികസന വകുപ്പിന്റെ ഉജ്ജ്വല ബാല്യം, ജിസിഐ വനിതാ രത്ന, എൻസിആർടിയുടെ ബെസ്റ്റ് വോയ്സ് ഓവർ നരേറ്റർ തുടങ്ങി നിരവധി പുരസ്കാരങ്ങൾ കോഴിക്കോട് സർവകലാശാല നൈനയുടെ ജീവിതയാത്രയെക്കുറിച്ചു ചെയ്ത ഡോക്യുമെന്ററി ബാംബു ബല്ലാഡ്സി'ന്റെ രാജ്യാന്തര പുരസ്കാരങ്ങൾ ഉൾപ്പെടെ 52 അവാർഡ് ലഭിച്ചു. സജീത് നടുത്തൊടിയാണ് ഡോക്യുമെന്ററിയുടെ രചനയും സംവിധാനവും. ഒൻപതാം ക്ലാസിൽ പഠിക്കുമ്പോൾ നാട്ടുകലാകാരന്മാരുടെ ജീവിതം കണ്ടറിഞ്ഞ് നൈന ഒരു പുസ്തകവും എഴുതി. "ആടി തിമിർത്ത കാൽപ്പാടുകൾ

കളയല്ല. വിള

നാട്ടുകാരെല്ലാം പല തരം ചെടികളും പ്ലാവും മാവുമൊക്കെ വയ്ക്കുമ്പോൾ നൈനയെന്തിനാണ് മുള നടുന്നത്? പൊട്ടിച്ചിരിയുത്തരം. “ഈ ചോദ്യം ഞാ ൻ ഒരുപാടു കേട്ടിട്ടുണ്ട്. പലർക്കും മുള ഒരു കളി ആണ്. പക്ഷേ, ശരിക്കും അതൊരു വിളയാണ്. നമ്മൾ നിൽക്കുന്ന ഈ പുഴയുടെ കരയിൽ ത ന്നെ ഇതിന്റെ മേന്മ കാണാം. മുകളിലേക്ക് നോക്കിക്കേ...