അങ്കണവാടിയിലെ പാട്ടുകാരി

'ന്നാ താൻ കേസ് കൊട്' സിനിമയിൽ കസറിയ കാസർകോടുകാരി ചിത്ര നായർ

- അമ്മു ജൊവാസ്

പാട്ടും പാടി വന്നു...

"ന്നാ താൻ കേസ് കൊട്' സിനിമയുടെ ആദ്യ ഓഡിഷനിൽ എന്നെക്കൊണ്ട് പാടിച്ച പാട്ടാണ് "ആയിരം കണ്ണുമായി...' സിനിമയിലെ രസകരമായ കണ്ണിയാണ് ഈ പാട്ടെന്ന് അന്ന് അറിയില്ലായിരുന്നു.

രാജേഷ് മാധവൻ എന്നു കേട്ടിട്ടുണ്ടെങ്കിലും ആളെ നേരിട്ട് പരിചയമില്ല. സിനിമയുടെ രണ്ടാമത്തെ ഓഡിഷനെത്തിയപ്പോഴാണ് ഇദ്ദേഹമാണ് അദ്ദേഹമെന്ന് മനസ്സിലായത്. പക്ഷേ, അപ്പോഴും രാജേഷേട്ടന്റെ ജോടിയായാണ് അഭിനയിക്കേണ്ടതെന്ന് അറിയില്ല കേട്ടോ. പ്രീ ഷൂട്ടിൽ ഒപ്പം അഭിനയിച്ചതും മറ്റൊരാളാണ്. പിന്നീട് ഷൂട്ടിനെത്തിയപ്പോഴാണ് സുമലതയുടെ സുരേശൻ ആരാണെന്ന് അറിയുന്നത്.

ഞാൻ അങ്കണവാടിയിലിരുന്ന് ആയിരം കണ്ണുമായി...' പാടുമ്പോൾ രാജേഷട്ടൻ സൈക്കിളിന് കാറ്റടിക്കുന്ന സീൻ മുതൽ ഒന്നിച്ചുള്ള എല്ലാ രംഗങ്ങളും ഒരു പാട് ആസ്വദിച്ചു.

എന്നാലും ന്റെ ചാക്കോച്ചാ...