സ്വന്തമാക്കാം സുന്ദര പച്ചത്തുരുത്തുകൾ

ഏതു ചെറിയ വിടും ചെടികളും ചട്ടികളും വച്ച് മനോഹരമാക്കാം. അറിയാം, ഇൻഡോർ സ്കേപ്പിങ്

- ശ്രീദേവി

കോവിഡ് കാലത്ത് വീട്ടിൽ അടച്ചിരുന്നപ്പോഴാണു മലയാളി വീടിനകം പച്ചപ്പു കൊണ്ടു നിറയ്ക്കാൻ പഠിച്ചത്. ഇന്നിപ്പോൾ ഇൻഡോർ ചെടികളും പൂച്ചട്ടികളും അത്രമേൽ ഒഴിച്ചുകൂടാനാകാത്ത കാര്യങ്ങളായി. നഴ്സറികൾ തഴച്ചുവളർന്നു. വിദേശത്തുനിന്നു പുതിയ ചെടികൾ വിരുന്നെത്താൻ തുടങ്ങി. വ്യത്യസ്തമായ ചെടികളന്വേഷിക്കുന്നവരുടെ എണ്ണവും കൂടി ത്തുടങ്ങി.

വീട് ചെറുതായാലും വലുതായാലും അകത്തളത്തിന് അഴകേകാൻ ചെടികൾക്കാകും. മാനസികനിലയെ സ്വാധീനിക്കാനും പിരിമുറുക്കം കുറയ്ക്കാനുമെല്ലാം ഇത്തിരിക്കുഞ്ഞൻ ചെടികൾക്കു സാധിക്കും. മുറിക്കകത്തെ വായുവിനെ ശുദ്ധീകരിക്കാനും ബാൽക്കണി പോലുള്ള തുറന്ന സ്ഥലങ്ങളിൽ സുഖകരമായ താപനില ഒരുക്കാനും കഴിയും.

ഒന്നോ രണ്ടോ ചെടികൾ അവിടവിടെയായി വെക്കുന്ന രീതിമാറി ഇപ്പോൾ ഓരോ മുറിയിലും ഇണങ്ങുന്ന ചെടികൾ ശാസ്ത്രീയമായി അടുക്കി അറേഞ്ച് ചെയ്യുന്നതാണ് ട്രെൻഡ്. ഇങ്ങനെ ഇൻഡോർ ചെടികൾക്കായി ഇടം ഡിസൈൻ ചെയ്ത് ചെടികൾ ശാസ്ത്രീയമായി അടുക്കി അവയെ കൃത്യമായി പരിപാലിക്കുന്നതിന്റെ പേരാണ് ഇൻഡോർ സ്കേപിങ് അഥവാ ഇന്റീരിയർ ലാൻഡ്സ്കേപിങ്.

പച്ചപ്പൊരുക്കുമ്പോൾ ശ്രദ്ധിക്കാൻ

 മുറിക്കകത്ത് ചെടികളും ചട്ടികളും ഒരുക്കുമ്പോൾ ശ്രദ്ധിക്കാൻ ചില കാര്യങ്ങൾ ഓർക്കാം.

മോഡേൺ ഡിസൈൻ പിന്തുടരുന്ന അകത്തളങ്ങൾക്കു റസ്റ്റിക് ടെക്സ്ചർ ഉള്ള ചട്ടികൾ ആണ് അനുയോജ്യം.