പ്രമേഹ ഗുളികകൾ കഴിച്ചാൽ കിഡ്നി തകരാറിലാകും

സോഷ്യൽമീഡിയ വഴി പ്രചരിക്കുന്ന ആരോഗ്യ സംബന്ധമായ തെറ്റിധാരണകൾ അകറ്റാം. കൃത്യമായ വിശദീകരണങ്ങളുമായി ഡോ.ബി.പത്മകുമാർ പ്രഫസർ, മെഡിസിൻ, മെഡിക്കൽ കോളജ്, ആലപ്പുഴ

- ഡോ.ബി.പത്മകുമാർ പ്രഫസർ, മെഡിസിൻ, മെഡിക്കൽ കോളജ്, ആലപ്പുഴ

അറുപത്തി മൂന്നു വയസ്സുള്ള റിട്ടയേർഡ് അധ്യാപികയ്ക്ക് 24 വർഷമായി ഷുഗറുണ്ട്. ഇൻസുലിൻ എടുക്കാൻ സൗകര്യമില്ലാത്തതു കൊണ്ടു ഗുളികകളാണു കഴിക്കുന്നത്. ഷുഗർ നിയന്ത്രണത്തിലുമാണ്. അപ്പോഴാണു ഗുളിക ഇങ്ങനെ സ്ഥിരമായി കഴിച്ചാൽ കിഡ്നി തകരാറിലാകുമെന്ന ഉപദേശവുമായി മുൻകാല സഹപ്രവർത്തകയെത്തിയത്.

യൂട്യൂബിൽ ഒരു ഡോക്ടർ ഇതേക്കുറിച്ച് ഉദാഹരണങ്ങൾ സഹിതം പറഞ്ഞിട്ടുള്ളതും അവർ എടുത്തു കാണിച്ചു. മരുന്നു നിർത്തിയ ശേഷം ചില വീട്ടുചികിത്സകളിലൂടെ ഷുഗർ കുറയ്ക്കാം എന്നായിരുന്നു യുട്യൂബ് ഡോക്ടറുടെ ഉപദേശം.

കേട്ട പാതി ടീച്ചർ മരുന്നു നിർത്തി വീട്ടുചികിത്സയിലേക്കു തിരിഞ്ഞു. ആഴ്ചകൾക്കുള്ളിൽത്തന്നെ ഷുഗർ  കൂടി. സംശയം തോന്നി പരിശോധിച്ചതുകൊണ്ടു കൂടുതൽ ഗുരുതരമായ പ്രശ്നങ്ങൾ ഉണ്ടായില്ല.