കരോക്കെയും യുട്യൂബും വോയ്സ് മെയിലും

സ്മാർട് ഫോൺ ഉപയോഗിക്കുമ്പോൾ യുട്യൂബിലും ഫോൺ ഡയലറിലും കരോക്കെയിലും സ്മാർടാകാൻ മൂന്നു ട്രിക്കുകൾ പഠിക്കാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

ഫോണിൽ എന്തൊക്കെ ചെയ്യാമെന്ന് ഓരോ ദിവസവും ഗവേഷണം നടത്തുകയാണു യൂത്തിന്റെ വിനോദം. സ്മാർട് ഫോൺ ഉപയോഗിക്കുമ്പോൾ സ്മാർട്ടാകാൻ മൂന്നു ട്രിക്കുകൾ പഠിച്ചാലോ.

യുട്യൂബ് വിഡിയോ

യൂട്യൂബ് വിഡിയോയിലെ പ്രത്യേക ഭാഗം മാത്രം കട്ട് ചെയ്ത് ഡൗൺലോഡ് ചെയ്യാൻ എന്താണു മാർഗമെന്നു പഠിച്ചാലോ, കട്ട് ചെയ്യേണ്ട യുട്യൂബ് വിഡിയോയുടെ ഓപ്ഷൻസിൽ നിന്നു ഷെയർ അമർത്തി ലിങ്ക് കോപ്പി ചെയ്യുക.

ഇനി https://clipscutter.​com/ എന്ന വെബ്സൈറ്റ് ഓപ്പണാക്കുക. ലിങ്ക് ഇതിൽ പേസ്റ്റ് ചെയ്തശേഷം ക്ലിക്ക് ബട്ടൻ അമർത്തുക. ഏത് റെസലൂഷൻ വേണമെന്നു സെലക്ട് ചെയ്തു കൊടുക്കാം.

ഇനി ഏതു സമയം മുതൽ ഏതു സമയം വരെയാണു വിഡിയോ കട്ട് ചെയ്ത് എടുക്കേണ്ടത് എന്ന് ആ വിഡിയോയിലെ ടൈം സ്റ്റാംപാക്കി മനസ്സിലാക്കിയ ശേഷം സ്ലൈഡർ അഡ്ജസ്റ്റ് ചെയ്തു സെലക്റ്റ് ചെയ്യുക.