പഠിക്കാം രണ്ടു ട്രിക്കുകൾ

സ്മാർട് ഫോണിലെ കൂടുതൽ ടെക്നിക്കുകൾ അറിയാനും വിവിധ ആവശ്യങ്ങൾ സ്മാർട്ടായി നിറവേറ്റാനും പഠിക്കാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

കയ്യിലുള്ള സ്മാർട് ഫോണിൽ പതിവായി ചെയ്യുന്ന കാര്യങ്ങൾ മാത്രം ചെയ്തു ബോറടിച്ചില്ലേ. സ്മാർട് ഫോണിനെ സൂപ്പറാക്കുന്ന രണ്ടു ട്രിക്കുകളാണ് ഇക്കുറി. റെഗുലർ ഫോൺ കോളിലും ഫയൽ ഷെയറിങ്ങിലും എല്ലാവർക്കും പ്രയോജനപ്പെടുത്താവുന്ന വഴികൾ ഇതാ.

കോളർ ഐഡി കളറാക്കാം

നമ്മളെ ഫോണിൽ വിളിക്കുന്ന ഓരോത്തരുടെയും ഫോട്ടോയോ പേരോ ഒക്കെയാണു ഡിസ്പ്ലേയായി തെളിഞ്ഞു വരുക. ഫോട്ടോകൾക്കു പകരം വിഡിയോകളോ കിടിലൻ അനിമേഷനുകളോ ചേർത്ത് അടിപൊളിയാക്കിയാലോ.

ഇതിനായി വ്യങ് (Vyng) എന്ന ആപ്ലിക്കേഷൻ പ്ലേസ്റ്റോ റിൽ നിന്നു ഫോണിൽ ഇൻസ്റ്റാൾ ചെയ്യുക. ഫോൺ നമ്പർ വെരിഫൈ ചെയ്തശേഷം നിങ്ങളുടെ പേരു കൂടി നൽകുക.