ஒரு கால பூஜைக்கு தலா ரூ. 2.50 லட்சம்: 18 ஆயிரம் கோவில்களுக்கு ரூ. 110 கோடி நிதி!

முதல்வர் மு.க. ஸ்டாலின் இன்று வழங்கினார்!!

தமிழ்நாட்டில் உள்ள 18 ஆயிரம் கோவில்களில் ஒரு கால பூஜை நடத்த தலா ரூ.2.50 லட்சம் வீதம் ரூ.110 கோடி நிதி உதவியை முதல்வர் மு.க.ஸ்டாலின் இன்று வழங்கினார்.

2021-2022 ஆம் ஆண்டு 2022ஆம் ஆண்டு தர்க்கான நிதிநிலை அறிக்கையில், "12,959 திருக்கோயில்களுக்கு ஒரு கால பூஜைத் திட்டத்தை செயல்படுத்த ரூ.130 கோடி நிலை நிதி ஏற்படுத்தப்படும்" என அறிவிக்கப் பட்டது.

அதன்படி, ஒருகால பூஜை நடைபெறும் 12,959 திருக்கோயில்களுக்கு ஏற்கனவே வைப்புநிதியாக ஒவ்வொரு திருக்கோயிலுக்கும் வழங்கப்பட்டிருந்த ஒரு லட்சம் ரூபாயை 2 லட்சம் ரூபாயாக உயர்த்தி அரசு மானியமாக ரூ.130 கோடிக்கான காசோலையினை தமிழ்நாடு மின் விசை நிதி மற்றும் அடிப்படை வசதி மேம்பாட்டு நிறுவனத்தில் வைப்பு நிதியாக முதலீடு செய்யப்பட்டது.