Avontuur Afrika - Issue 36, 2024

En este asunto

Hierdie is ons 36ste uitgawe en hoewel dit nie tradisioneel as ‘n
groot mylpaal beskou word nie, is dit tog noemenswaardig aangesien
dit beteken dat ons drie jaar van Avontuur Afrika vier. Tot dusver was
dit ‘n reis van stampe en stote, maar meestal een van groei.
Met uitgawe 36 bevind ons onsself in ‘n posisie waar ons kan besin
oor die prestasies en ervarings wat ons tot dusver gevorm het. Hierdie
jaar was veral ‘n groot een vir ons en ons was bevoorreg om na drie
internasionale bekendstellings van wonderlike voertuie genooi te
word: die Ineos Grenadier in Skotland, die Ford Ranger Raptor in
Namibië en – meer onlangs – die bekendstelling van hierdie uitgawe
se voorbladster, die Suzuki Jimny vyfdeur, in Botswana. Boonop het
ons talle bekendstellings van nuwe voertuie binne die grense van Suid-
Afrika bygewoon, van die skouspelagtigste plekke denkbaar besoek en
werklik inspirerende mense ontmoet.
Terwyl ons voortgaan om ons eie avontuur te leef, is hierdie ‘n
gepaste tyd om oor die professionele mylpale, die persoonlike oorwinnings,
die lesse wat geleer is en die verhoudings wat langs die pad
gesmee is, te besin. Dit is ‘n geleentheid om op ons reis tot dusver terug
te kyk en die veerkragtigheid wat ons tot hierdie punt gebring het,
te waardeer. Ons span is dalk klein, maar ons harte en drome is groot!

Avontuur Afrika Magazine Description:

Verwelkom Avontuur Afrika, ‘n nuwe, opwindende en diverse platform wat beide Afrikaanse en Engelse drukweergawes insluit, asook ‘n sterk digitale platform vir kampeer- en landreisentoesiaste om saam te kuier en te gesels.