ચૂકવો પ્લાસ્ટિક ને મેળવો પૌષ્ટિક-પ્રાકૃતિક વ્યંજન

જૂનાગઢના જિલ્લા પ્રશાસને શરૂ કરેલા આ કાફેમાં પ્લાસ્ટિક ‘ચૂકવીને’ પણ ચા, પૌંઆ કે લીંબુપાણી ખરીદી શકાય છે. દેશનું છે આ પહેલું પ્રાકૃતિક પ્લાસ્ટિક કાફે.

અહીં પ્લાસ્ટિક જમા કરાવો અને એ સામે જે ચીજ ખરીદવી હોય એ લઈ લો.

એક પ્લેટ પૌઆ આપો અને બે ગ્લાસ લીંબુપાણી.. કોઈ રેસ્ટોરાંના કાઉન્ટર પર આપણે આવું કહીએ એટલે સામેથી એક પ્રિન્ટેડ બિલ કે ટોકન મળે. આપણે પૈસા ચૂકવી દઈએ. જો કે જૂનાગઢમાં એક નવું કાફે શરૂ થયું છે, જ્યાં ભોજન કે નાસ્તો મેળવવા માટે પૈસા નહીં, પરંતુ પ્લાસ્ટિક ચૂકવવાનું રહેશે.