ഡാറ്റ സുരക്ഷ: ഇ- കൊമേഴ്സ് കമ്പനികൾക്കുമേൽ നിയന്ത്രണം കടുപ്പിക്കും

ന്യൂഡൽഹി: ഡാറ്റ സുരക്ഷിതത്വവുമായി ബന്ധപ്പെട്ട് ഇ-കൊമേഴ്സ് കമ്പനികൾക്കുമേൽ കടുത്ത നിയന്ത്രണം കൊണ്ടുവരാൻ നീക്കമിട്ട് കേന്ദ്ര സർക്കാർ. ഇതിനുള്ള നടപടികൾ അന്തിമ ഘട്ടത്തിലാണെന്നാണ് റിപ്പോർട്ട്. ഇന്ത്യൻ സ്റ്റാർട്ടപ്പുകളുടെ വളർച്ച കൂടി ഉറപ്പാക്കാനുദ്ദേശിച്ചുള്ള ഇ-കൊമേഴ്സ് നയത്തിന്റെ കരടിൽ ഡാറ്റ സുരക്ഷ സംബന്ധിച്ച നിബന്ധകളുമുണ്ടാകും.

ആഗോള കമ്പനികളായ ഫേസ്ബുക്ക്, ആമസോൺ, ഗൂഗിൾ എന്നിവയുടെ ആധിപത്യം കുറയ്ക്കുന്നതിനായാണ് കേന്ദ്ര സർക്കാർ പുതിയ നയം ആവിഷ്കരിക്കുന്നത്. ഇതനുസരിച്ച്, ഇ- കൊമേഴ്സ് കമ്പനികളുടെ പ്രവർത്തനങ്ങളെ വിലയിരുത്താൻ ഒരു റഗുലേറ്ററെ നിയമിക്കും.