தாய் மொழிப்பற்றை வீட்டில் இருந்து தொடங்குவோம் - கவர்னர் தமிழிசை அழைப்பு

உலகத் தாய் மொழி நாளை கொண்டாடும் வகையில் “தாய் மொழி போற்றுதும்" என்ற தலைப்பில் புதுவை தொழில் நுட்பப் பல்கலைக்கழகத்தில் நடைபெற்ற இணையவழி கருத்தரங்கினை கவர்னர் தமிழிசை தலைமை தாங்கி தொடங்கி வைத்தார்.

அப்போது அவர் பேசியதாவது: தாய்மொழி தமிழ் பற்றி பேசும் அளவிற்கு அதன் வளர்ச்சிக்காக நாம் பணியாற்றுகிறோமா என்பது சந்தேகம். தாய் மொழியை நேசிக்கும் அதேவேளை பிற மொழிகளை நிந்திக்கக்கூடாது. எத்தனை மொழிகளை படிக்கிறோமோ அந்த அளவிற்கு நமது அறிவாற்றலும் வாய்ப்புகளும் அதிகரிக்கிறது.