കടുവാ പിടിക്കാത്ത കിടുവാ...

COFFEE BREAK

- വിനോദ് നായർ

ആറു മാസം ജോലി, പിന്നെ ആറു മാസം അവധി; അതാണ് പ്രശസ്ത ഛായാഗ്രാഹകൻ സന്തോഷ് ശിവന്റെ ജീവിതത്തിന്റെ കലണ്ടർ.

അവധിക്കാലം എഴുത്തിനും വായനയ്ക്കും യാത്രകൾക്കും വെറുതെ മടി പിടിച്ചിരിക്കാനുമുള്ളതാണ്. പുണെയിലെ ഫിലിം ആൻഡ് ടെലിവിഷൻ ഇൻസ്റ്റിറ്റ്യൂട്ടിൽ മുതൽ ആഫ്രിക്കയിൽ മീരാ നായരുടെ മയിഷ ഫിലിം സ്കൂളിൽ വരെ സന്തോഷ് ക്ലാസെടുക്കാൻ പോകുന്നത് ആറു മാസ അവധിക്കാലത്താണ്. ഒരിക്കൽ അരുണാചൽ പ്രദേശിലെ ഒരു ഇൻസ്റ്റിറ്റ്യൂട്ടിൽ പോയി. കാട്ടിനുള്ളിലാണ് സ്ഥാപനം. മൂന്നു ദിവസത്തെ യാത്ര വേണ്ടിവന്നു സ്ഥലത്തെത്താൻ. വിദ്യാർഥികളും അധ്യാപകരുമെല്ലാം ആയുധങ്ങളുമായാണു വരുന്നത്. കാരണം, ഇടയ്ക്ക് വന്യമൃഗങ്ങൾ ക്ലാസിൽ കയറാറുണ്ട് !