Arjun Balu

11 തവണ ദേശീയ കാർ റേസിങ് കിരീടം നേടിയ അർജുൻ ബാലു ഫാസ്റ്റ് ട്രാക്കിനോടു സംസാരിക്കുന്നു

മോട്ടർ റേസിങ്ങിൽ സ്വന്തം പേര് ചേർത്തു വച്ചയാളാണ് അർജുൻ ബാലു. 11 തവണ ദേശീയ കാർ റേസിങ് കിരീടം നേടിയ അർജുൻ ബാലുവാണ് മലയാള മനോരമ ഓട്ടോ വേൾഡ് എക്സ്പോ ഉദ്ഘാടനം ചെയ്തത്. ഫോർമുല വൺ മത്സരത്തിൽ പങ്കെടുത്ത ആദ്യ ഇന്ത്യൻ ഡ്രൈവർ നരേൻ കാർത്തികേയന്റെ ബന്ധു കൂടിയാണ് അദ്ദേഹം.

•റേസിങ് ഇഷ്ടപ്പെടുന്നവരോടു പറയാനുള്ളത്?

മോട്ടർ റേസിങ്ങിൽ വരുന്നവർ കാറുകളോട് അത്രയേറെ ഇഷ്ടമുള്ളവരായിരിക്കണം. ഇന്ന് റേസിങ് രംഗത്തു വരുന്നവർക്ക് ഒട്ടേറെ അവസരങ്ങളുണ്ട്. ആറു വയസ്സുള്ള കുട്ടിക്ക് ഗോ-കാർട്ട് ചെയ്യാം. ലോ-ലെവൽ കാറ്റഗറിയിൽ മത്സരിക്കാം. പലതരം ഓപ്ഷനുകളുണ്ട്. ഞാൻ ഡ്രൈവ് ചെയ്തിരുന്നപ്പോൾ പ്രീമിയർ ക്ലാസ് മാത്രമാണുണ്ടായിരുന്നത്. ഇപ്പോൾ റേസിങ്ങിനു സ്വന്തമായി കാർ വേണമെന്നില്ല. വാടകയ്ക്കെടുത്തു റേസിൽ പങ്കെടുക്കാം. പണച്ചെലവും കുറവാണ്. ഒത്തിരി മാതാപിതാക്കൾ കുട്ടികളെ റേസിങ്ങ് പരിശീലിപ്പിക്കുന്നുണ്ട്. കുട്ടികൾ ലഹരിവസ്തുകൾക്ക് പിറകെ പോകാതിരിക്കാൻ എന്തെങ്കിലും ഇഷ്ടമുള്ള ഹോബിയിലേക്കു തിരിയുന്നത് നല്ലതാണ്.