ശരിയായ ഉറക്കം ഒരു മികച്ച രോഗശാന്തിയാണ്

അമിതവണ്ണത്തിനുള്ള അപകടഘടകങ്ങളിലൊന്നാണ് ഉറക്കക്കുറവ്. ഇത് സ്ട്രെസ് ഹോർമോണായ കോർട്ടിസോളിന്റെ ഉത്പാദനം വർദ്ധിപ്പിക്കുന്നു. ഉറക്കക്കുറവ് ലെപ്റ്റിൻ എന്ന ഹോർമോണിന്റെ അളവ് കുറയ്ക്കുന്നു. ഇത് നമ്മുടെ മസ്തിഷ്കത്തെ നമുക്ക് കഴിക്കാൻ മതിയെന്ന് അറിയിക്കുകയും വിശപ്പ് ഉത്ത ജിപ്പിക്കുന്ന ഗ്രെലിൻ എന്ന ജൈവരാസവസ്തുവിന്റെ അളവ് വർദ്ധിപ്പിക്കുകയും ചെയ്യുന്നു. ഉറക്കക്കുറവ് നിങ്ങളുടെ ശരീരത്തെ ഉയർന്ന അളവിലുള്ള ഇൻസുലിൻ പുറത്തുവിടാൻ പ്രേരിപ്പിക്കുന്നു. ഇത് കൊഴുപ്പ് സംഭരണത്തെ പ്രോത്സാഹിപ്പി ക്കുകയും ടൈപ്പ് 2 പ്രമേഹം വരാനുള്ള സാധ്യത വർദ്ധിപ്പിക്കുകയും ചെയ്യുന്നു.

- Dr Arun Oommen

ശ്വസിക്കാനും ഭക്ഷണം കഴിക്കാനും ആവശ്യമുള്ളത്രയും പ്രാധാന്യം ഉറക്കത്തിനും അത്യാവശ്യമാണ്. ഉറങ്ങുമ്പോൾ നിങ്ങളുടെ ശരീരം, നിങ്ങളുടെ ശാരീരികവും മാനസികവുമായ ആരോഗ്യം കാത്തുസൂക്ഷിക്കുകയും മറ്റൊരു ദിവസത്തിനായി നിങ്ങളെ തയ്യാറാക്കുകയും ചെയ്യുന്ന തിരക്കിലായിരിക്കും. ഉറക്കക്കുറവ് നമ്മുടെ മാനസികവും ശാരീരികവുമായ ആരോഗ്യത്തിന് അപകടകരമാണ്. മാത്രമല്ല നമ്മുടെ ജീവിതനിലവാരം നാടകീയമായി കുറയ്ക്കുകയും ചെയ്യും. നിങ്ങളുടെ ഉറക്കത്തിന്റെ ഗുണനിലവാരം നിങ്ങളുടെ മാനസികകൂർമ്മത, ഉൽപ്പാദനക്ഷമത, വൈകാരിക സന്തുലിതാവസ്ഥ, സർഗ്ഗാത്മകത, ശാരീരികോർജ്ജം, നിങ്ങളുടെ ഭാരം എന്നിവ ഉൾപ്പെടെ നിങ്ങളുണർന്നിരിക്കുമ്പോഴുള്ള ജീവിതത്തിന്റെ ഗുണനിലവാരത്തെ നേരിട്ട് ബാധിക്കുന്നു. ചെറിയ പ്രയത്നം കൊണ്ട് ഇത്രയധികം നേട്ടങ്ങൾ നൽകുന്ന മറ്റൊരു പ്രവർത്തനവും ഇല്ല. കുറഞ്ഞയളവിലുള്ള ഉറക്കം പോലും നിങ്ങളുടെ മാനസികാവസ്ഥ, ഊർജ്ജം, സമ്മർദ്ദം കൈകാര്യം ചെയ്യാനുള്ള കഴിവ് എന്നിവയെ ബാധിക്കും.

18-64 വയസ്സിനിടയിലുള്ള മുതിർന്നവർക്ക് ശരാശരി ഉറക്കം 7-9 മണിക്കൂറാണ് (ദേശീയ ഉറക്ക അടിസ്ഥാനം അനുസരിച്ച് ). എന്നാൽ പ്രായപൂർത്തിയായ ഒരാൾ രാത്രിയിൽ ഏഴ് മണിക്കൂറിൽ താഴെയാണ് ഉറങ്ങുന്നത്. ഇന്നത്തെ വേഗതയേറിയതും മത്സരാധിഷ്ഠിതവുമായ സമൂഹത്തിൽ, ആറോ ആറരയോ മണിക്കൂർ ഉറക്കം നല്ലതായി തോന്നാം. വാസ്തവത്തിൽ, ദീർഘകാല ഉറക്കക്കുറവ് താഴെപ്പറയുന്നതു പോലുള്ള ഗുരുതരമായ ആരോഗ്യ പ്രശ്നങ്ങളിലേക്ക് നയിച്ചേക്കാം

• ഹൃദയ രോഗങ്ങൾ
• ഉയർന്ന രക്തസമ്മർദ്ദം
• പക്ഷാഘാതം
• പ്രമേഹം
• മൈഗ്രെയ്ൻ
• കുറഞ്ഞ പ്രതിരോധശേഷി
• വൈജ്ഞാനിക വൈകല്യം
പെരുമാറ്റവൈകല്യങ്ങൾ
• അമിതഭാരം .

ഉറക്കക്കുറവ്, പ്രത്യേകിച്ച് ഹൃദയ സംബന്ധമായ അസുഖങ്ങളിൽ നിന്നുള്ള മരണ സാധ്യത ഇരട്ടിയാക്കാം. കുട്ടികളിലും കൗമാരക്കാരിലും, വളർച്ചയെ പ്രോത്സാഹിപ്പിക്കുന്ന ഹോർമോണുകൾ ഉറക്കത്തിലാണ് പുറപ്പെടുവിക്കുന്നത്. ഇത് പേശികളുടെ പിണ്ഡം വർദ്ധിപ്പിക്കാനും കോശങ്ങളെയും കലകളെയും നന്നാക്കാനും സഹായിക്കുന്നു. പ്രായപൂർത്തിയാകുമ്പോൾ ഉറക്കം-മാനസീകവികസനത്തിന് അത്യന്താപേക്ഷിതമാണ്.

കേന്ദ്ര നാഡീവ്യൂഹം