ലണ്ടൻ സിറ്റിയിലൂടെയൊരു യാത്ര

യൂറോപ്പിലെ ഏറ്റവും വലിയ റോയൽ പാർക്കായതിനാലും എല്ലാ റോഡുകളും കൂടി ചേരുന്ന സ്ഥലമായതിനാലും ഷോപ്പിംങ്ങ് സെൻറർ, ഹൈ മാർക്കറ്റ്, പിസാ ലഭിക്കുന്ന സ്ഥലം എന്നിവയൊക്കെയായതിനാൽ വലിയ തിരക്ക് നിയന്ത്രിക്കുവാൻ ചില സമയങ്ങളിൽ അവിടെയുള്ള റോഡുകൾ ബ്ലോക്ക് ചെയ്തിടും. ഇതൊരു കോസ്മോപൊളിറ്റൻ സിറ്റിയാണല്ലോ.

- ഡോ. പി. കെ. ജയകുമാരി

ലോകത്തിലെ ഏറ്റവും പുരാതന നഗരങ്ങളിൽ ഒന്നാണ് ഇംഗ്ലണ്ടിന്റെ തലസ്ഥാനമായ ലണ്ടൻ. രാജ്യത്തിന്റെ സാമ്പത്തികം, ഗതാഗതം, സാംസ്ക്കാരികം എന്നിവ നിയന്ത്രിക്കുന്നത് ഇവിടെ നിന്നാണെന്നാണ് പൊതുവേ പറയപ്പെടുന്നത്. ലണ്ടൻ സിറ്റിയിൽ ചെന്നിറങ്ങിയപ്പോൾ ടൂർ പ്രോഗ്രാം അനുസരിച്ച് സിറ്റിയിലെ കാഴ്ചകൾ കാണുന്നതിനായി സൗകര്യ പ്രദമായ ഒരു വലിയ കോച്ച് അറേഞ്ച് ചെയ്തിരുന്നു. അതിന്റെ വീതി കൂടിയ ഗ്ലാസ് വിൻഡോയിൽ കൂടി കാഴ്ചകൾ മുഴുവൻ സുഗമമായി കാണുവാനാവുമായിരു ന്നു. വൃത്തിയുള്ളതും വിസ്താരമുള്ളതുമായ മനോഹരമായ റോഡുകളിലൂടെ യാത്ര ചെയ്തപ്പോൾ രസകരമായി തോന്നിയ കാഴ്ച, സൈക്കിൾ പാത്തുകളിലൂടെ സൈക്കിൾ സവാരിക്കാർ യാത്ര ചെയ്യുന്നതാ യിരുന്നു. നമ്മുടെ രാജ്യത്ത് വിവിധതരം വാഹനങ്ങൾ ഒരുമിച്ച് മത്സരിക്കുന്നത് പോലുള്ള കാഴ്ചകളല്ലേ നമുക്ക് സുപരിചിതമായിട്ടുള്ളൂ. എല്ലാ വാഹനങ്ങളും ഒരുമിച്ച് ഒരേ റോഡിലൂടെ ഓടിക്കുന്നത് എത്രയോ കഠിനതരമാണെന്ന് അപ്പോഴാണ് ചിന്തിച്ചത്. വിദേശീയർ നമ്മുടെ രാജ്യം സന്ദർശിച്ചാൽ പൊട്ടിപ്പൊളിഞ്ഞ റോഡുകളിൽ മരണക്കെണിയൊരുക്കി വാഹനയത്നം നടത്തുന്ന കാഴ്ച കണ്ട് അത്ഭുതപ്പെടും.

റോഡിലെ എല്ലാ വാഹനങ്ങളും ലണ്ടൻ സിറ്റിയെ ലക്ഷ്യമാക്കിയാണ് നീങ്ങുന്നത്. സിറ്റിക്കകത്ത് വലിയ തിരക്കാണെങ്കിലും അവിടെ ധാരാളം മ്യൂസിയം ഉള്ളതിനാൽ സിറ്റി ടൂർ പ്രോഗ്രാം അനുസരിച്ചുള്ള യാത്രകൾ ഒഴിവാക്കാനാവില്ലല്ലോ. അന്ന് കാണുവാൻ നിശ്ചയിച്ചിരുന്നത് പ്രധാനപ്പെട്ട ചില സ്ഥലങ്ങൾ മാത്രമാണ്. അവയിൽ ബക്കിംങ്ങ് ഹാം ഹൈഡ് പാർക്ക്, ദ ബിഗ് കൊട്ടാരം, ബെൻ, വെസ്റ്റ് മിനിസ്റ്റർ ആബി, ഹൗസ് ഓഫ് പാർലമെൻറ്, ട്രഫൽഗർ സ്ക്വയർ, പിക്കാഡെലി സർക്കിൾ, ടവ്വർ ബ്രിഡ്ജ്, റിവർ തൈയിംസ് എന്നിവയാണ്.