விடலைச் சேட்டைகள்

ராத்திரி மழை பெய்தது. சாலையில் நீர் புரளும் அளவுக்கு சற்று கனத்த மழை. விடிந்த பிறகும்கூட லேசாக சொட்டெல்லாம் போட்டுக் கொண்டேயிருந்தது. உஸ் உஸ் என்று அடிக்கும் வாடைக் காற்று இன்னும் ஓய்ந்தபாடில்லை.

- செய்யாறு தி.தா.நாராயணன்

வானத்தில் மேகம் மணல்வாரி இறைத்திருந்தது. இன்னும் மழை இருக்கிறது என்பதற்கு அத்தாட்சி. சாலைகளிலும் கடைவீதிகளிலும் விரித்த குடைகளுடன் மனிதர்கள் வரிசை கட்டி நகர்ந்துக்கொண்டிருந்தனர். எங்கும் நசநசப்பு.

“எணோவ்! எணா! அய்யே எந்திரிபா. ராத்திரி மழை பேஞ்சிடுச்சி இல்லே வா போலாம்.""எங்கடா கூப்புட்ற?." "அய்யே ஈச புடிக்க போலாம். ஈச அரிசி துன்னு எம்மா நாளாச்சி. வாயி நமநமங்குது." "அடீங் ஒதடா அவனை. அதுக்கு மழை தமதமன்னு கொட்டக் கூடாதுடா கயித. லேசா சாணி தெளிச்சாப்பல தூறியிருக்கணும்.