நீரை. மகேந்திரனின் ஜீரோவில் தொடங்கும் எட்டு

இன்றைய சமூக வலைத்தளங்களின் வளர்ச்சிக்கு பிறகு முகநூலிலோ வேறுசில ஊடகங்களிலோ இன்று தினம் சுமார் பத்து புதிய கவிஞர்களாவது தங்களது கவிதைகளை வெளியிட்டு லைக்குகளை வாங்கிக் குவித்துக் கொண்டிருக்கிறார்கள். 

- சிவகுமார் முத்தய்யா

கவிதை என்பது கடையில் விற்கும் ஒரு மலிவான பண்டம் போல் ஆகிவிட்டது. சமூக ஊடகங்களில் எழுதுபவர்கள் தேர்ந்த கவித்துவமும், படைப்பு ஆளுமையுடனும் தங்களது படைப்புகளை வெளியிட்டால் அதற்கு வரவேற்பு தெரிவிக்கலாம், அநேகமாக அவை புலம்பல்களாகவும், அல்லது அதிர்ச்சியான செய்தியாகவும், உடல் சார்ந்த இச்சைகளை நேரடியாகவும் பேசுபவையாக இருக்கின்றன. சமீப காலங்களில் ஆளுமைமிக்க நல்ல கவிஞர்கள் சிலர் எழுதுவதை நிறுத்தியிருப்பதையும் காணமுடிகிறது. இப்படி நவீனக் கவிதையுலகம் ஒரு குழப்பமும் மந்தமுமான சூழலில் இயங்கி வருகிறது என்றுதான் தோன்றுகிறது. ஒரு புத்தகக் கண்காட்சிக்கு குறைந்தது 200 கவிதை தொகுப்புகளாவது வெளிவருகிறது அதில் நல்ல தொகுப்புகளைத் தேடி அலைய வேண்டியுள்ளது என்பது கசப்பான உண்மையாகும்.