స్వాతంత్ర్య సమరయోధుల పోరాటాలను స్పూర్తి పొందుదాం

చిత్తూరు జిల్లాను అన్నిరంగాల్లో అభివృద్ధి : ఇంచార్జ్ మంత్రి కె.వి. ఉషా శ్రీ చరణ ఘనంగా జరిగిన 76 వ స్వాతంత్య్ర దినోత్సవ వేడుకలు

చిత్తూరు జిల్లాను అన్నిరంగాల్లో అభివృద్ధి : ఇంచార్జ్ మంత్రి కె.వి. ఉషా శ్రీ చరణ ఘనంగా జరిగిన 76 వ స్వాతంత్య్ర దినోత్సవ వేడుకలు

చిత్తూరు : దేశ స్వాతంత్ర్యం కోసం బ్రిటిష్ పాలనకు వ్యతిరేకంగా ఉద్యమాలను నిర్వహించి తమ ప్రాణాలను సైతం తృణప్రాయంగా అర్పించి మనకు స్వేచ్ఛా స్వాతంత్య్రం అర్పించిన త్యాగ మూర్తులను స్మరించుకుని వారి స్ఫూర్తిని పొందుతూ వారి జీవితాలను ఆదర్శంగా తీసుకుంటూ దేశ, రాష్ట్ర, జిల్లా అభివృద్ధిలో అందరూ కలిసికట్టుగా పని చేద్దామని జిల్లా ఇంచార్జ్ మంత్రి, రాష్ట్ర స్త్రీ, శిశు సంక్షేమ, వికలాంగుల, వయో వృద్ధుల శాఖామంత్రి కె.వి.ఉషా శ్రీ చరణ్ పేర్కొన్నారు. సోమవారం 76వ స్వాతంత్య్ర దినోత్సవ వేడుకలు చిత్తూరు పోలీస్ పెరేడ్ గ్రౌండ్ నందు అత్యంత ఘనంగా కన్నుల పండుగగా జరిగాయి. ఈ సందర్భంగా జిల్లా ప్రగతికి సంబంధించి జిల్లా ఇంచార్జ్ మంత్రి సందేశమిస్తూ రాష్ట్ర సమగ్రాభివృద్ధికి అన్ని ప్రాంతాలను అభివృద్ధిలోనికి తీసుకువచ్చేందుకు ప్రజలకు సుపరిపాలనను అందించేందుకు 13 జిల్లా లతో కూడిన ఆంధ్ర ప్రదేశ్ ను జిల్లాల పునర్విభజనలో భాగంగా 2022 ఏప్రిల్ 4న కొత్త జిల్లాలు ఏర్పాటు చేయడమైనదని, అనంతరం చిత్తూరు జిల్లాను కొత్త జిల్లాల ఏర్పాటు అనంతరం జరుగుతున్న స్వాతంత్య్రదినోత్సవ వేడుకల సందర్భంగా అన్ని రంగాలలో అభివృద్ధి చేసేందుకు చిత్తశుద్ధితో కృషి చేస్తామన్నారు. రాష్ట్ర ప్రభుత్వం నవరత్నాలు కింద చేపట్టిన ఎన్నో వినూత్నమైన పధకాలను చిత్తూరు జిల్లాలో అందరి సహకారంతో సమర్ధవంతంగా అమలు చేస్తున్నామన్నారు.