మనిషికి దురలవాట్లే మృత్యుపాశాలు

ప్రపంచ దేశాలను వణికిస్తున్న రోగాలలో క్యాన్సర్‌ ఒకటి. ఒకప్పుడు దీనినే రాచపుండు అనేవారు. రాజులకు మాత్రమే వచ్చే రోగమనీ, పేదల జోలికి ఇది రాదనీ భావించేవారు.

ప్రపంచ దేశాలను వణికిస్తున్న రోగాలలో క్యాన్సర్‌ ఒకటి. ఒకప్పుడు దీనినే రాచపుండు అనేవారు. రాజులకు మాత్రమే వచ్చే రోగమనీ, పేదల జోలికి ఇది రాదనీ భావించేవారు. కానీ, ఇప్పుడీ మహమ్మారికి రాజు పేద అనే తేడా లేదు. ఎవరినైనా, ఎప్పుడైనా ఆవహించి ఇట్టే మృత్యుపాశం విసిరి, ప్రాణాలను కబళించే ఈ వ్యాధికి పూర్తిగా అడ్డుకట్ట వేయడంలో వైద్యరంగం ఇప్పటికీ అనుకున్న స్థాయిలో పురోగతి సాధించలేదు. ప్రపంచంలోనే అత్యధిక జనాభా గల మన దేశాన్ని వక్షోజ క్యాన్సర్‌, గర్భాశయ క్యాన్సర్‌, నోటి క్యాన్సర్‌ పట్టిపీడిస్తున్నాయి. ఎప్పుడు ఎలా విరుచుకుపడుతుందో తెలియని క్యాన్సర్‌ మహమ్మారి సోకిందని తెలుసుకునేలోగానే ప్రాణాలు గాలిలో కలసిపోతున్న కేసులే ఎక్కువ.