ఎందరికో బ్రతుకు నిచ్చిన రతన్ టాటా గారికికు అశృనివాళి

ప్రముఖ వ్యాపార దిగ్గజం, రతన్ టాటా (86) కన్నుమూత. తీవ్ర అనారోగ్యంతో ఆస్పత్రిలో చికిత్స పొందుతూ తుదిశ్వాస విడిచిన రతన్జటాగారు.

ప్రముఖ వ్యాపార దిగ్గజం, రతన్ టాటా (86) కన్నుమూత. తీవ్ర అనారోగ్యంతో ఆస్పత్రిలో చికిత్స పొందుతూ తుదిశ్వాస విడిచిన రతన్జటాగారు. రతస్టాటా గారికి ముత్యాల సరాలు పత్రిక అశ్రు నివాళి తెలుపుతుంది.

పదివేలకోట్ల రూపాయలుగా ఉండవలిసిన ఒక వ్యాపార సామ్రాజ్యాన్ని ఒకే ఒక్కడు తనయుక్తితో, తనవ్యాపార నిపుణతతో ఆరు లక్షల కోట్లకు ఎగబాకేలా చేశారు. దాదాపు ఏడు లక్షల మందికి ఉపాధి నిస్తూ, 150 ఏళ్ళ చరిత్ర కలిగిన టాటా గ్రూప్ ను అందనంత ఎత్తులో నిలబడేలా చేశారు. నేడు ఉప్పు నుండి ఉక్కు వరకు టీ నుండి ట్రక్కుల వరకు ఇలా ప్రతి వ్యాపారంలోలోను ఖచ్చితంగా టాటా పేరు వినిపి స్తుంది. ఇంతటి ఘనచరిత్రను టాటా గ్రూప్కు కట్టబెట్టేలా చేశారు. కొన్ని కోట్ల మంది భారతీయులకు ఆదర్శప్రాయులు, భారతమాత ముద్దుబిడ్డ మన రతన్ టాటా.

1937 డిసెంబర్ 28 న దేశంలోనే ధనిక కుటుంబంలో జన్మించారు రతన్. ఏడేళ్ల వయసులోనే తల్లి తండ్రులిద్దరూ విడిపోవటంతో నాయనమ్మ దగ్గర పెరగవలిసి వచ్చింది. తన చదువును అమెరికాలోనే పూర్తి చేసుకొని జె.ఆర్.డి.టాటా పిలుపు మేరకు జంషెడ్పూర్ లోని టాటా స్టీల్ కంపెనీలో అప్రెంటీస్ గా తన ప్రస్థానాన్ని ప్రారంభించారు రతన్. ఎప్పటికప్పుడు కొత్త కొత్త ఆలోచనలతో, తన నైపుణ్యంతో టాటా కంపెనీలో ఒక ఉత్తమ ఉద్యోగిగా ఎదిగారు రతన్. ఆ విధంగా కొన్ని సంవత్సరాలు ఉద్యోగిగా పనిచేసిన తరువాత 1991 లో జె.ఆర్.డి.టాటా నుండి టాటా గ్రూప్ చైర్మన్ గా భాద్యతలు స్వీకరించారు రతన్. అప్పట్లో ఈ నిర్ణయాన్ని బోర్డు అఫ్ మెంబెర్స్లో చాలా మంది వ్యతిరేకించారు.

అనుభవం లేని రతన్ చేతిలో ఇన్నికోట్ల వ్యాపార సామ్రాజ్యం నడవలేదని అందరు వాదించారు. కానీ వారికి ఆనాడు తెలియదు ఇతడే టాటా గ్రూపు నలుదిశలా వ్యాపింపజేసిన ఘనుడు అవుతాడని.