ഇപ്പോൾ അപേക്ഷിക്കാം ഇതാ, 4 വർഷ ബിരുദം

സംസ്ഥാനത്ത് വിവിധ സർവകലാശാലകളിലെ 4 വർഷ ബിരുദ പ്രോഗ്രാമുകളിലേക്ക് അപേക്ഷ ക്ഷണിച്ചു

സംസ്ഥാനത്ത് വിവിധ സർവകലാശാലകളിലെ 4 വർഷ ബിരുദ പ്രോഗ്രാമുകളിലേക്ക് അപേക്ഷ ക്ഷണിച്ചു.

ഒരു വിദ്യാർഥിക്ക് ഒന്നിലധികം ബിരുദ പ്രോഗ്രാമുകളിലേക്ക് അപേക്ഷിക്കാം. മറ്റൊരു യുജി പ്രോഗ്രാം വിജയകരമായി പൂർത്തിയാക്കിയവർക്കും സർവകലാശാലാ മാനദണ്ഡങ്ങളുടെ അടിസ്ഥാനത്തിൽ നാലു വർഷ ബിരുദ പ്രോഗ്രാമുകളിലേക്ക് അപേക്ഷിക്കാം.

യോഗ്യത: പ്ലസ് ടു/വൊക്കേഷനൽ ഹയർ സെക്കൻഡറി അഥവാ തത്തുല്യം. പ്രവേശനം ആഗ്രഹിക്കുന്ന കോളജുകളും പ്രോഗ്രാമും മുൻ ഗണനാക്രമത്തിൽ തിരഞ്ഞെടുക്കണം. ഓപ്ഷൻ നൽകിയ കോളജുകളിൽ അലോട്മെന്റ് ലഭിക്കുമ്പോൾ പ്രവേശനം നേടിയില്ലെങ്കിൽ, തുടർന്നു വരുന്ന അലോട്മെന്റിൽ പരിഗണിക്കില്ല.

കേരള

കേരള സർവകലാശാലയുടെ വിവിധ വകുപ്പുകളിലെയും അഫിലിയേറ്റഡ് കോളജുകളിലെയും 4 വർഷ ബിരുദ കോഴ്സുകളുടെ ഏകജാലക സംവിധാനം വഴിയുള്ള പ്രവേശനത്തിന് ജൂൺ 7 വരെ അപേക്ഷിക്കാം.