കേന്ദ്ര സർവീസിൽ 26,053 ഒഴിവ്

CGL: 17,727 ഒഴിവ് യോഗ്യത ബിരുദം അവസാന തീയതി ജൂലൈ 24

കേന്ദ്ര സർവീസിലെ വിവിധ ഗ്രൂപ്പ് ബി, ഗ്രൂപ്പ് സി തസ്തികകളിലെ ഒഴിവുകളിലേക്ക് സ്റ്റാഫ് സിലക്ഷൻ കമ്മിഷൻ (എസ്എ സി) നടത്തുന്ന കംബൈൻഡ് ഗ്രാറ്റ് ലെവൽ പരീക്ഷയ്ക്ക് ജൂലൈ 24 വരെ ഓൺലൈനായി അപേക്ഷിക്കാം.

ബിരുദധാരികൾക്കാണ് അവസരം. കേന്ദ്ര സർക്കാരിനു കീഴിലെ വിവിധ മന്ത്രാലയങ്ങളിലും വകുപ്പുകളിലും ഓഫിസുകളിലുമാണു നിയമനം. 17,727 ഒഴിവ് പ്രതീക്ഷിക്കുന്നു. ഒഴിവുകളുടെ എണ്ണത്തിൽ മാറ്റം വരാം. ഒന്നാം ഘട്ട പരീക്ഷ (ടയർ 1) സെപ്റ്റംബർ-ഒക്ടോബർ മാസങ്ങളിലും രണ്ടാം ഘട്ടം (ടയർ 2) ഡിസംബറിലും നടത്തും.

യോഗ്യത:

ജൂനിയർ സ്റ്റാറ്റിസ്റ്റിക്കൽ ഓഫിസർ: സ്റ്റാറ്റിസിക്സ് പ്രധാന വിഷയങ്ങളിലൊന്നായി പഠിച്ച ഏതെങ്കിലും ബിരുദം. അല്ലെങ്കിൽ പ്ലസ് ടു തലത്തിൽ മാത്തമാറ്റിക്സ് 60% മാർക്കോടെ നേടിയ ശേഷം ഏതെങ്കിലും വിഷയത്തിൽ ബിരുദം.