കവർ ചെയ്യാം, സ്ഥിരവരുമാനം

മെഡിസിൻ കവറുകൾ ഉൾപ്പെടെയുള്ളവയുടെ നിർമാണം ലളിതമായി നടപ്പാക്കാവുന്ന കുടുംബ ബിസിനസ് ആശയം

- ടി.എസ്. ചന്ദ്രൻ

പല നിറത്തിലുള്ള പേപ്പറുകൾ ഉപയോഗിച്ചു മെഡിക്കൽ ഷോപ്പുകളിലെ ആവശ്യങ്ങൾക്കുള്ള കവറുകൾ നിർമിക്കുന്നത് “ഹെൽത്തി ആയൊരു ബിസിനസ് ആശയമാണ്. വലിയ മൂലധനത്തിന്റെ ഭാരമൊന്നുമില്ലാ തെ, വളരെ ലളിതമായി ചെയ്യാവുന്ന ഒന്നാണീ സംരംഭം. മെഡിക്കൽ ഷോപ്പുകൾ മാത്രമല്ല ഈ സംരംഭം വഴി കവർ ചെയ്യാവുന്നത്. ബേക്കറികളും ടെക്സ്റ്റൈൽ ഷോപ്പുകളും തുടങ്ങി പേപ്പർ ക്യാരി ബാഗുകളുടെ ആവശ്യം കെ മുതലാക്കിയ ഏതൊരു സ്ഥാപനത്തിലേക്കും ഇതുവഴി കടന്നുകയറാം.

നിർമാണരീതി

പേപ്പറും പശയുമാണ് ആവശ്യമായ അസംസ്കൃത വസ്തുക്കൾ. സ്വകാര്യ വിതരണക്കാരിൽ നിന്ന് ഇവ സുലഭമായി ലഭിക്കും. ബ്രൗൺ, വൈറ്റ് നിറങ്ങളിലുള്ള പേപ്പറുകളാണ് സാധാരണയായി കവർ നിർമാണത്തിന് ഉപയോഗിച്ചു വരുന്നത്. വ്യത്യസ്തങ്ങളായ അളവിലാകും കവർ. അതിനാൽ പേപ്പർ വേസ്റ്റ് വരുന്ന സാഹചര്യവും കുറവാണ്. പേപ്പർ മടക്കുന്നതിനും പശ തേയ്ക്കുന്നതിനും ബണ്ടിൽ ആക്കുന്നതിനും ഔട്ട്സോഴ്സിങ്' ആകാം. വിവിധ കുടുംബങ്ങളിലേക്ക് കൊടുത്തു വിടുകയാണു സാധാരണ അവലംബിക്കുന്ന പ്രവർത്തനരീതി.