LDC പരീക്ഷ എഴുതിയത് 51% പേർ മാത്രം

ഏഴു ഘട്ടത്തിലുമായി ഒഴിവാക്കിയത് 41 ചോദ്യങ്ങൾ; തിരുത്തിയതു പത്തെണ്ണം

- ഷാജി പൊന്നോല

അപേക്ഷ നൽകിയത് : 12,95,446 പേർ
കൺഫർമേഷൻ നൽകിയത് : 9,62,447 പേർ
പരീക്ഷ എഴുതിയത് : 6,61,466 പേർ

ഇത്തവണത്തെ എൽഡി ക്ലാർക്ക് പരീക്ഷയ്ക്ക് അപേക്ഷിച്ചവരിൽ 51% മാത്രമേ പരീക്ഷ എഴുതിയുള്ളൂ. കൺഫർമേഷൻ നൽകിയവരിൽ 69% പേരാണു പരീക്ഷയെഴുതാനെത്തിയത്.

ജൂലൈ 27 മുതൽ ഒക്ടോബർ 19 വരെ 7 ഘട്ട മായി നടത്തിയ എൽഡി ക്ലാർക്ക് പരീക്ഷയ്ക്ക് 12,95,446 പേരാണ് അപേക്ഷ നൽകിയിരുന്നത്. 9,62,447 പേർ കൺഫർമേഷൻ നൽകി. ഇവരിൽ 6,61,466 പേർ മാത്രമാണു പരീക്ഷ എഴുതിയത്. ഏറ്റവും കൂടുതൽ അപേക്ഷ നൽകിയത് തിരുവനന്തപുരം ജില്ലയിലായിരുന്നു 1,74,344. ഇവരിൽ 1,39,187 പേർ കൺഫർമേഷൻ നൽകി. കുറവ് അപേക്ഷകർ വയനാട് ജില്ലയിലാണ് 40,267 പേർ. ഇവരിൽ 29,225 പേർ മാത്രമേ കൺഫർമേഷൻ നൽകിയുള്ളൂ.