ഐസ്ക്രീം നിർമാണം കൂൾ കൂളായി ഒരു സംരംഭം!

കാലാവസ്ഥയിലെ മാറ്റവും ആഘോഷവേളകൾ വർധിച്ചതുമൊക്കെ ഐസ്ക്രീം വിപണനത്തിനുള്ള സാധ്യത വർധിപ്പിച്ചിട്ടുണ്ട്

- ടി.എസ്. ചന്ദ്രൻ

വലിയ പരസ്യവും വിൽപനശൃംഖലയുമൊക്കെ ഉള്ള രീതിയിലാണ് ഐസ്ക്രീം നിർമാണവും വിപണനവും സാധാരണ കാണാറുള്ളത്. എങ്കിലും, പുതുതായി സംരംഭകത്വമേഖലയിലേക്ക് കടന്നുവരുന്നവർക്കും കൈവയ്ക്കാവുന്ന മേഖലയാണിത്. മികച്ച ലാഭവിഹിതം തരുന്ന ബിസിനസുമാണ്. വളരെ ലളിതമായി ചെയ്യാം എന്നതും ആകർഷകത്വമാണ്.

കുറച്ചു കാലം മുൻപുവരെ ഐസ്ക്രീം നിർമാണവും വിൽപനയും സീസണൽ ബിസിനസ് ആയിരുന്നു. എന്നാൽ, കാലാ വസ്ഥയിലും നമ്മുടെ ശീലങ്ങളിലും വന്ന മാറ്റം കാരണം ഇപ്പോൾ എല്ലാ സീസണിലും ഒരുപോലെ വിറ്റഴിക്കാൻ കഴിയുന്ന ഉൽപന്നമാണിത്. നമ്മുടെ ജീവിതശൈലിയിൽ ആഘോഷങ്ങൾക്കു പ്രാധാന്യം കൂടിയതോടെ ഐസ്ക്രീം അവിടെയൊക്കെ ഒഴിവാക്കാനാവാത്ത ഉൽപന്നമായി.