நாங்கள் ஒருவர் விருப்பத்தை மற்றவர் மதித்தோம்!

மண வாழ்க்கையில் ரகசியம் என்று எதுவும் கிடையாது. திருமண வாழ்க்கையை வெற்றிகரமாக வாழ வேண்டும் என்று தீர்மானகரமான முடிவுடன் இருப்பவர்கள் தான் திருமணம் என்ற பந்தத்திற்குள் வர வேண்டும் என நினைக்கிறேன்.

- பாரதி பாஸ்கர், பேச்சாளர்

இன்றைக்குப் பலர் திருமணம் வேண்டாம் என்று முடிவெடுக்கிறார்கள். அது வரவேற்கத்தக்க ஒன்று.

நீண்டகாலம் பொறுப்புடன் இருப்பதற்கு தாங்கள் தயாராக இல்லை என்று நினைப்பவர்கள் திருமண உறவுக்குள் வராமல் இருப்பது நல்லது.

'பாத்துக்கலாம், வாய்ப்பிருந்தா ஒண்ணா சேர்ந்து வாழலாம்' என்ற எண்ணத்துடன் திருமண பந்தத்திற்குள் வரக்கூடாது. திருமணம் என்பது ஒரு ஒப்பந்தம். அந்த ஒப்பந்தத்திற்கு முழுமையாக தன்னை ஒப்படைக்க வேண்டும். வாழ்க்கையை வெற்றிகரமாக கொண்டு செல்வதற்கு எல்லாவிதமான முயற்சியையும் நாம் மேற்கொள்ள வேண்டும்.