தமிழர்களை அவமானப்படுத்தப் போகிறதா இந்த மலையாளப் படம்..?

அட... ஆஹா... என்றெல்லாம் புருவத்தை உயர்த்தாமல் ஷாக்கை குறைங்க!

- என். ஆனந்தி

மலையூர் மம்பட்டியான், சீவலப்பேரி பாண்டி என சட்டத்துக்கு வில்லனாகவும், மக்களுக்கு நல்லவனாகவும் வாழ்ந்தவர்களை முக்கிய பாத்திரமாக வைத்து தமிழில் பல படங்கள் வந்திருக்கின்றன.

இப்போது மலையாளத் திரையுலகிலும் இதேபோன்றதொரு படம் தயாராக உள்ளது. ஆனால், இதன் முக்கிய பாத்திரம் நெகட்டிவ் கேரக்டர் கொண்ட மனிதர்கள் அல்ல. ஒரு யானை!ஆம். தேனி பகுதியில் மக்களை அச்சுறுத்திக் கொண்டிருந்த அரிசிக் கொம்பன் யானைதான் இந்த படத்தின் நாயகன். அதன் வரலாற்றை அடிப்படையாகக் கொண்டு இந்த படம் தயாரிக்கப்படுகிறது.

தமிழக - கேரள எல்லைப் பகுதியில் தேனி மாவட்டத்தை ஒட்டி சுற்றித் திரிந்து மக்களுக்கு அச்சுறுத்தலை ஏற்படுத்திய யானைதான் இந்த அரிசிக் கொம்பன்.