ஆபாசப் படங்களுக்கு OTT?

ஒரு காலத்தில் ஆபாசப்படங்கள் அரிதாகவே பார்க்கக் கிடைத்தன. அப்படியே கிடைத்தாலும் அவற்றைப் பார்ப்பதற்கான வழிகள் குறைவாகவே இருந்தன. விசிஆர், சிடி, டிவிடியில் பதிவு செய்யப்பட்டு ரகசியமாக விற்கப்பட்டன. சில திரையரங்குகளில் திரைப்படங்களுக்கு நடுவில் சில நிமிடங்கள் திரையிடப்பட்டன.

- த.சக்திவேல்

அதனால் குறிப்பிட்ட சிலர் மட்டுமே ஆபாசப்படங்களை நுகர்ந்து வந்தனர். அதன் சந்தையும் ஓர் எல்லைக்குள் நின்றுவிட்டது.

இந்நிலையில் இணையத்தின் வருகை ஆபாசப்பட சந்தையை உலக அளவில் விரிவடைய வைத்துவிட்டது. 2000க்குப் பிறகு இளசுகளின் கைகளில் ஆபாசப்படங்கள் கிடைக்க முக்கியப்பங்கு வகிப்பதே இணையம்தான். ஸ்மார்ட் போனின் வருகை, குறைந்த கட்டணத்தில் வேகமான இணைய சேவை போன்றவை ஆபாசப்பட நுகர்வை பல மடங்கு அதிகரித்து விட்டது.

இன்று 2.5 கோடிக்கும் அதிகமான ஆபாசப்பட இணையதளங்கள் இருப்பதாக புள்ளிவிவரங்கள் சொல்கின்றன. அதாவது உலகில் இருக்கும் மொத்த இணைய தளங்களில் 12 சதவீதத்தை ஆபாசப்பட தளங்கள் தன்வசம் வைத்திருக்கின்றன.

இவற்றில் பதிவேற்றம் செய்யப்பட்டிருக்கும் ஆபாசப்படங்களின் அளவு 10 ஆயிரம் டிபியைத் தாண்டும். 1024 ஜிபி சேர்ந்தால் ஒரு டிபி என்றால் பார்த்துக் கொள்ளுங்கள்.